Skrivarberget på Stjørdal

Skrivarberget er ein sørvend bergvegg med runer ved gardane Bø og Ystines i Stjørdal kommune i Trøndelag. Han er registrert med nr. ID 56427 i Kulturminnearkivet til riksantikvaren.

Innskriftene er frå 1000- og 1100-talet, og vart undersøkte av Lorentz Diderik Klüwer i 1815, og Martin Friedrich Arendt i 1817. Staden vart undersøkt på nytt av Oluf Rygh i 1864 og -96, og av Aslak Liestøl i 1956. Tolkingane her er etter Liestøl si undersøking.

Innskrift I

biarurn(u) iftr ristu ru(nar):þisar

rutsm(a)urkum:uisa:birt(a)lt

På norrønt er det: Biǫrnulfr ristu rúnar þesar. Ruþs mǫrkum visa bert at.

På moderne norsk: «Bjørnulf rista desse runene. Rudsmarkene viser dei tydeleg til». Antakeleg har denne ristninga og den følgjande å gjera med eit eigedomsskifte e.l.

Innskrift II

Denne innskrifta er registrert av både Klüwer og Rygh, men er ikkje funnen att.

(b)irkr(a)ukþair

som vert tolka til: Bergr ok þeir ristu rúnar þessar. þeir i dette tilfellet viser attende til innskrift I der Bjørnulf var runeristaren. Meininga vert altså: «Berg og Bjørnulf rista desse runene».

Innskrift III

undir austanu(æ)r þre orf er gul g..(y)..ninalna (n)iþr

På norrønt vert det: Undin austanverđi horf er gull geymt niu alnar niđr.

Og på moderne norsk: «Under det austre hjørnet er gull gøymt ni alen ned (dvs. under jorda)».

Innskrift IV

Ei fragmentarisk innskrift:

ohr...

Kan ikkje tolkast.

Innskrift V

Nok ei fragmentarisk innskrift:

.. istrunar ...

Tyder: «... reist runer ...»

Innskrift VI

Denne innskrifta vart første gongen påvist av Liestøl i 1956:

her er fefolgu tuntirst .. ni þess(um).

På norrønt er det: Her er fé folgit undir steini þessum.

Som på moderne norsk vert: «Her er gods gøymt under denne steinen.»

Kjelder endre

Denne artikkelen bygger på «Skrivarberget (Stjørdal)» frå Wikipedia på bokmål, den 25. november 2019.

Litteratur endre

Norges innskrifter med de yngre runer. Norsk historisk kjeldeskrift-institutt. s. 22ff.