Smeerenburgfjorden
Smeerenburgfjorden er ein fjord på nordvesthjørnet av Spitsbergen på Svalbard. Fjorden er om lag 19 km lang. Han har fått namn etter kvalfangarstasjonen Smeerenburg som låg på Amsterdamøya på 1600-talet. Fjorden ligg på innsida av Danskøya og Amsterdamøya. Mellom Danskøya og fastlandet finn ein sundet Sørgattet inn mot fjorden. Likeeins leiar Danskegattet inn mot fjorden mellom Danskøya og Amsterdamøya. Den indre armen av Smeerenburgfjorden blir kalla Bjørnefjorden, her fell Smeerenburgbrea ut.
Kjelder endre
- Den norske los, vol. 7, 2 utg. (Stavanger: Norges sjøkartverk og Norsk polarinstitutt, 1990).
- Store Norske Leksikon: Smeerenburg.
