Sonja Irene Sjøli
Sonja Irene Sjøli (fødd 6. juni 1949 på Hamar i Hedmark) er ei norsk jordmor og Høgre-politikar. Ho blei vald inn på Stortinget for Akershus fylke i 1997 og var 2. vararepresentant i perioden 1993–2007.
Sonja Irene Sjøli | |||
Sonja Irene Sjøli i 2009 Foto: Kjetil Ree | |||
Fødd | 6. juni 1949 (74 år) Hamar kommune | ||
---|---|---|---|
Statsborgar av | Noreg | ||
Parti | Høgre | ||
Yrke | politikar, jordmor | ||
Utdanna ved | Hedmark sykepleierhøgskole | ||
Alle verv |
|
Frå 1979 til 1987 var Sjøli kommunestyremedlem i Eidsvoll, og på nytt frå 1999 til 2001, dei første åtte åra også som formannskapsmedlem. Ho var leiar i Akershus Høgre 1994–2003, medlem av Høgres sentralstyre i same periode, og var leiar av det kvinnepolitiske utvalet til Høgre 1998–2000.
Sjøli er utdanna sjukepleiar frå Hedmark sjukepleiarhøgskole (1971) og jordmor frå Statens Jordmorhøgskole (1976). Ho har også studert kunsthistorie og sosiologi, og har arbeidd ved sjukehuset i Stensby, i Eidsvoll kommune og ved universitetssjukehuset i Akershus. Ho var redaktør av Tidsskrift for jordmødre 1987–1989, og var vald til leiar av Den norske Jordmorforening 1989–1993, visepresident i International Confederation of Midwives 1990–1993, i tillegg som arbeidande president i sistnemnde 1993–1997. Rådsleiar for Kvinneuniversitetet i Løten 2001–2002.
Ho mottok Paul Harris Fellow-medaljen frå Rotary i 1998, og vart æresmedlem i Den norske Jordmorforening i 1999. Ho har laga undervisningsfilm, og delteke i ei rekkje offentlege utval.
Stortingets presidentskap endre
- 2001–2005 visesekretær i Stortinget
Stortingskomitear endre
- 2005–: medlem i Helse- og omsorgskomiteen
- 2005–09: 2. nestleiar i Fullmaktskomiteen
- 2005–: medlem i Valkomiteen
- 2001–05: leder i Familie-, kultur- og administrasjonskomiteen
- 2001–05: medlem i Fullmaktskomiteen
- 2001–05: varamedlem i Den utvida utanrikskomiteen
- 2001–05: varamedlem i Valkomiteen
- 1997–2001: medlem i Sosialkomiteen
Bakgrunnsstoff endre
- Sonja Irene Sjøli hos Stortinget
- Sonja Irene Sjøli Arkivert 2008-10-19 ved Wayback Machine. hos Høgre