Spellemannprisen 1972
Spellemannprisen 1972 vart delt ut laurdag 3. mars 1973 i Chateau Neuf i Oslo. Dette var fyrste gong Spellemannprisen hadde utdeling. Det vart kåra vinnarar innanfor sju sjangrar og i tillegg delt ut tre spesial- og bransjeprisar. Komponist og arrangør Egil Monn-Iversen og musikalen Bør Børson Jr. fekk heidersprisen for musikalen som fyrste gong vart sett opp i 1972 på Det norske teatret. Jens Book-Jenssen fekk spesialpris og Sigurd Jansen fekk bransjepris som arrangør. Filharmonisk Selskaps Orkester vann den fyrste prisen i klassisk musikk/samtidsmusikk og har seinare vorte ein av dei artistane som har vunne flest prisar.
Utdelinga vart overført på radio og TV av NRK. Rolf Kirkvaag var programleiar.
Vinnarar endre
| Klasse | Artist |
|---|---|
| Kvinnelege artist | Kirsti Sparboe |
| Mannlege artist | Erik Bye |
| Gruppe | Popol Vuh |
| Klassisk musikk/samtidsmusikk | Filharmonisk Selskaps Orkester |
| Visesong | Birgitte Grimstad |
| Open klasse | Einar Schanke |
| Barneplate | Knutsen & Ludvigsen |
| Spesialpris: heiderspris frå juryen | Egil Monn-Iversen/Bør Børson Jr. |
| Spesialpris | Jens Book-Jenssen |
| Bransjepris som arrangør | Sigurd Jansen |
Kjelder endre
- Nettstaden ifpi.no Arkivert 2007-06-13 ved Wayback Machine.