Stephan Sinding

norsk bilethoggar

Stephan Abel Sinding (4. august 184623. januar 1922) var ein norsk-dansk bilethoggar fødd i Trondheim. Han var bror av toneskaparen Christian Sinding og kunstmålaren Otto Sinding.

Stephan Sinding

Statsborgarskap Noreg, Danmark
Fødd 4. august 1846
Trondheim
Død

23. januar 1922 (75 år)
Paris

Yrke bilethoggar, professor
Far Matthias Wilhelm Sinding
Ektefelle Anna Elga Augusta Betzonich
Stephan Sinding på Commons

Liv og gjerning endre

 
Ole Bull-statuen (1901) i Bergen

Sinding studerte jus og filosofi ved universitetet i Christiania frå 1865. Interessa for kunst førte til at han 1870-72 gjekk på Den kongelige Tegneskole i same byen. I 1872 reiste han til Berlin, der han var elev hos seinklassisisten Albert Wolff fram til vinteren 1874. Derifrå la han turen innom Paris og London.

Gjennombrotet kom i 1882 med Barbarkvinde bærer sin dræbte søn bort fra slaget, eit verk den danske, rike bryggerieigaren Carl Jacobsen kjøpte. Sidan kom Jacobsen til å kjøpe opp ein stor del av Sindings seinare arbeid.

Åra 1880-83 budde Sinding i Roma. Han busette seg så i København og vart dansk statsborgar i 1890. Til opninga av det norske Nationaltheatret i 1899 laga han statuane av Bjørnstjerne Bjørnson og Henrik Ibsen. Hovudverket er likevel Moder Jord frå 1900, det står utstilt ved Ny Carlsberg Glyptotek i København.

Frå 1910 budde Sinding i Paris. Dei siste åra av livet modellerte han falne frå den første verdskrigen, som hadde prega han sterk.[1] Han gav ut sjølvbiografien En billedhuggers liv i 1921, året før han døydde. Han døydde i Paris vart gravlagd på Père Lachaise-kyrkjegarden.

Utvalde verk endre

  • Vølund smed, 1873
  • Hylas, ca. 1880
  • Slaven, 1878
  • Frise, 1891
  • Enken, 1892
  • Henrik Ibsen, 1899
  • Bjørnstjerne Bjørnson, 1899
  • Moder Jord, 1900
  • Ole Bull, 1901
  • Valkyrjen, 1908
  • Angelus, 1913
  • L'Offrande, 1918

Galleri endre

Bibliografi endre

Kjelder endre


Bakgrunnsstoff endre

  Commons har multimedium som gjeld: Stephan Sinding
  1. Stephan Abel Sinding i Norsk kunstnerleksikon.