Strangers When We Meet
| Strangers When We Meet Singel av David Bowie frå albumet The Buddha of Suburbia og Outside | ||
| B-side |
«The Man Who Sold the World» (Live) | |
|---|---|---|
| Utgjeve | 20. november 1995 | |
| Innspelt | New York City, januar-februar 1995; Westside Studios, London, oktober 1995. | |
| Sjanger | Kunstrock | |
| Lengd | 4:58 (The Buddha of Suburbia album) 5:07 (Outside album) 4:19 (singel) | |
| Selskap | RCA 74321 329407 | |
| Låtskrivar(ar) | David Bowie | |
| Produsent | David Bowie, Brian Eno, David Richards | |
| David Bowie-kronologi | ||
| «The Hearts Filthy Lesson» (1995) |
Strangers When We Meet | «Hallo Spaceboy» (1996)
|
«Strangers When We Meet» er ein song av David Bowie, opphavleg spelt inn for albumet The Buddha of Suburbia i 1993. I 1995 spelte Bowie inn songen på ny for albumet Outside og denne versjonen vart gjeven ut som singel i lag med ein omarbeidd versjon av «The Man Who Sold the World».
Utvkling endre
Musikalsk har songen fleire likskapar med tidlegare Bowie-songar. Gitartemaet i bakgrunnen på Buddha of Suburbia-versjonen er særs lik temaet i «Look Back in Anger». Basslinja i byrjinga av songen er den same basslinja som er nytta i songen «Join the Gang» frå 1967.
«Strangers When We Meet» er ein song Bowie spelte inn tre gonger. Ein gong i 1993 med Reeves Gabrels og bandet hans Modern Farmer (ikkje utgjeven), ein gong i 1993 som soloartist for albumet The Buddha of Suburbia, og så igjen i 1994-95 for Outside.[1] Begge biografane Nicholas Pegg og Chris O'Leary er samde om at songen ikkje heilt verkar å passe inn på Outside: Pegg sa at songen «på slutten av kunstrock-galskapen på 1. Outside verkar 'Strangers When We Meet' enno meir uovereinsstemmande, og løyser all angsten og den svarte komikken på albumet ut i eit roleg stykke konvensjonell pop»,[2] og O'Leary kalla songen «flyktig» og ikkje eigna på nokre av albuma han kom ut, og verkar nesten som eit bonusspor på slutten av Outside.[1] Buddha-versjonen er kalla «anspent, meir kompakt, med meir nerve»[1] samanlikna med den «frodige» versjonen på Outside.[2]
B-sider endre
Sjølv om versjonen av «The Man Who Sold the World» vart omtalt som eit «konsertopptak», var det i røynda eit studioopptak basert på ein omarbeidd versjon av songen spelt inn seint i oktober 1995 på Outside-turneen, og miksa av Brian Eno. Denne versjonen kom ut i 2020 på EP-en Is It Any Wonder?[3]
«Get Real» vart gjeven ut som bonusspor på den japanske utgåva av Outside i 1995, og som B-side til denne singelen. I 2004 kom han òg ut på nyutgjevinga av Outside og i 2007 i plateboksen David Bowie. Songen, som var til overs frå Outside-innspelinga,[1] vart skildra som «langt meir konvensjonell poprock enn noko anna på albumet»[2] med ein referanse til nokre av Bowie sine eigne «ikkje-sakna»[1] songar frå midten av 80-åra.[2] Eit papirark datert 6. mars 1994 på utstillinga David Bowie Is syner at teksten til songen i det minste var dels køyrd gjennom Verbasizer-programmet, som Bowie likte å bruke som saks og papir for å kutte opp og omarrangere tekstane sine.[1] Pegg kalla songen «eit tiltalande innblikk i mengda ekstramateriale som er spelt inn under Outside, og nok eit døme på kor opptatt Bowie er av karakteren til røyndomen.»[2]
Utgjeving og marknadsføring endre
Singelen kom ut i november 1995.[2] Dei fleste versjonane var av den nyare Outside-versjonen av songen, men ein amerikansk promo-CD inkluderte ei sjeldan singelutgåve av Buddha of Suburbia-versjonen, og ein sjeldan promokassett frå 1993 har ein annan versjon enn den som er på Buddha-innspelinga med ein annan perkusjon og miksing.[2]
Musikkvideoen til Samuel Bayer for songen hadde same visuelle stil som videoen for «The Hearts Filthy Lesson», men var enklare og rolegare i eit forfallande kunststudio.[2]
Konsertopptak endre
For å marknasføre albumet og singelen framførte Bowie «Strangers When We Meet» fire gonger på ulike show i USA og Storbritannia. Den første gongen var 27. oktober 1995 på The Tonight Show with Jay Leno.[1] Den 10. november 1995 framførte Bowie ein uheldigvis «glanslaus» versjon av songen på Top of the Pops medan han var midt i øvinga for Outside-turneen, og så igjen 2. desember 1995 på Later... with Jools Holland.[2] Han vart framført ein gong til på TV den 26. januar 1996 på det franske TV-programmet Taratata.[2] Seinare vart songen stundom framført på Outside-turneen i 1995-1996 og Earthling-turneen i 1997.[2] Ei innspeling av songen frå Outside-turneen, kom ut på No Trendy Réchauffé (Live Birmingham 95) (2020), som er kalla opp etter eit liten bit av teksten frå songen.
Salslister endre
Den doble A-sida nådde 39. plassen på den britiske singellista.[1][2] I Sverige nådde «Strangers When We Meet» 56. plassen i 1996.[4]
Andre utgjevingar endre
1995-utgåva av songen kom ut på Best of Bowie-DVDen (2002) og den triple CD-versjonen av Nothing Has Changed (2014).
Innhald endre
7"-versjon endre
- «Strangers When We Meet (Edit)» (Bowie) – 4:19
- «The Man Who Sold the World (Live)» (Bowie) – 3:35
Britisk CD-versjon endre
- «Strangers When We Meet (Edit)» (Bowie) – 4:19
- «The Man Who Sold the World (Live)» (Bowie) – 3:35
- «Strangers When We Meet (albumversjon)» (Bowie) – 5:06
- «Get Real» (Bowie/Eno)
Amerikansk CD-versjon endre
- «Strangers When We Meet (albumversjon)» (Bowie) – 5:06
- «Strangers When We Meet (Buddha of Suburbia album version)» (Bowie) – 5:06
- «The Man Who Sold the World» (Live) (Bowie) – 3:35
Australsk CD-versjon endre
- «Strangers When We Meet» (Edit) (Bowie) – 4:19
- «The Man Who Sold the World» (Live) (Bowie) – 3:35
- «Strangers When We Meet» (albumversjon) (Bowie) – 5:06
- «Strangers When We Meet» (Buddha of Suburbia-versjonen) (Bowie) – 5:06
Britisk promoversjon endre
- «Strangers When We Meet (Edit)» (Bowie) – 4:19
Amerikansk promoversjon endre
- «Strangers When We Meet (Edit)» (Bowie) – 4:19
- «Strangers When We Meet (Buddha of Suburbia Edit)» (Bowie) – 4:10
- «Strangers When We Meet (albumversjon)» (Bowie) – 5:06
Salslister endre
| Liste (1995-1996) | Plassering |
|---|---|
| Nederland[5] | 9 |
| Sverige (Sverigetopplistan) | 56 |
| UK Singles (OCC) | 39 |
Medverkande endre
- Produsentar:
- Musikarar:
- David Bowie: vokal
- Brian Eno: synthesizer på «Strangers When We Meet» og «Get Real»
- Reeves Gabrels: sologitar
- Carlos Alomar: rytmegitar
- Erdal Kızılçay: bass, klaverinstrument på «Strangers When We Meet» og «Get Real»
- Mike Garson: piano, klaverinstrument på «The Man Who Sold The World»
- Sterling Campbell: trommer på «Strangers When We Meet» og «Get Real»
- Gail Ann Dorsey: bassgitar på «The Man Who Sold the World»
- Peter Schwartz, George Simms: klaverinstrument på «The Man Who Sold the World»
- Zachary Alford:[6] trommer på «The Man Who Sold the World»
Kjelder endre
- Denne artikkelen bygger på «Strangers When We Meet (song)» frå Wikipedia på engelsk, den 13. september 2021.
- Wikipedia på engelsk oppgav desse kjeldene:
- Pegg, Nicholas (2016). The Complete David Bowie (revised and updated utg.). London: Titan Books. ISBN 978-1-78565-365-0.
- O'Leary, Chris (2019). Ashes to Ashes The Songs of David Bowie 1976–2016. Repeater Books. ISBN 9781912248308.
- ↑ 1,0 1,1 1,2 1,3 1,4 1,5 1,6 1,7 O'Leary 2019, s. 365.
- ↑ 2,00 2,01 2,02 2,03 2,04 2,05 2,06 2,07 2,08 2,09 2,10 2,11 Pegg 2016, s. 268.
- ↑ «David Bowie Is it Any Wonder? Streaming EP of unreleased & rare material». 14. februar 2020. Henta 11. september 2021.
- ↑ «David Bowie - Strangers When We Meet (Song)». Swedish Charts. Hung Medien. Henta 12. september 2021.
- ↑ «DAVID BOWIE - STRANGERS WHEN WE MEET» (på nederlandsk). dutchcharts.nl. Henta 14. september 2021.
- ↑ Discogs - Zachary Alford - (profile & discography)