Sukkertoppen
- For andre tydingar av oppslagsordet, sjå Sukkertoppen (fleirtyding).
22°56′55″S 43°09′26″W / 22.94861°S 43.15722°W
Sukkertoppen (portugisisk Pão de Açúcar) er ein 396 meter høg fjelltopp i Rio de Janeiro i Brasil. Fjellet har fått namn etter ein sukkertopp, kjegleforma ein tidlegare selde sukker i, fordi han har ei liknande utforming. Det er eitt av kjennemerka for Rio, og gjev også godt utsyn over byen.
Sukkertoppen ligg i utkanten av Guanabarabukta, på ei halvøy som stikk ut i Atlanterhavet. Som dei fleste oppstikkande toppane i området består han av granitt og kvarts.
Det går ein taubane til toppen frå Praia Vermelha, med ein stopp på Morro da Urca. Banen blei først bygd i 1912 med erstatningar rundt 1972/1973 og i 2008. Det finst også fleire klatreruter opp.
Kjelder endre
- Denne artikkelen bygger på «Sockertoppen» frå Wikipedia på svensk, og «Sugarloaf Mountain» frå Wikipedia på engelsk den 2. juni 2010.