Svensk Pommern (svensk Svenska Pommern; tysk Schwedisch-Pommern) var eit maktområde under den svenske krona frå 1600-talet til 1800-talet, langs det som i dag er kysten av Austersjøen i Tyskland og Polen. Etter den polsk-svenske krigen og trettiårskrigen, fekk Sverige kontroll over store område langs sørkysten av Austersjøen, mellom anna Pommern og delar av Schlesien og Preussen.

Svenska Pommern
Schwedisch Pommern
Svensk Pommern
Svensk maktområde,
Stat i Det tysk-romerske riket

1630–1815
Flagg Våpen
Det svenske flagget Våpen
Plasseringa til Pommern
Plasseringa til Pommern
Svensk Pommern (oransje) i Det svenske imperiet i 1658
Hovudstad Stettin
(1630-1720)

Greifswald
(1720-1814)
Språk Nedertysk/tysk,
svensk
Religion Lutheranisme
Styreform Fyrstedøme
Hertug
 - 1630-1632 Gustav II Adolf (første)
 - 1809–1814 Karl XIII (siste)
Generalguvernør
 - 1633–1641 Sten Svantesson Bielke (første)
 - 1800–1809 Hans Henric von Essen (1755–1824) (siste)
 - 1809–1814 Direkte styre
Historie
 - Stettin-traktaten 10. juli 1630
 - Freden i Westfalen 24. oktober 1648
 - Stettin-traktaten 4. mai 1653
 - Freden i Stockholm 12. januar 1720
 - Kielfreden
 - Wienerkongressen
14. januar 1814
4./7. juni 1815
 - Avstått til Preussen 23. oktober 1815

Sverige, som hadde halde til i Pommern med ein garnison i Stralsund sidan 1628, hadde fått effektiv kontroll over Hertugdømet Pommern med Stettin-traktaten i 1630. Med freden i Westfalen i 1648 og Stettin-traktaten i 1653, fekk Sverige Vest-Pommern eller Vorpommern med øyane Rügen, Usedom og Wolin og ei stripe av Aust-Pommern, eller Hinterpommern. Sverige heldt dei pommerske delane av Tyskland som eit len i Det tysk-romerske riket som Reichsfürsten (riksfyrstar).

I 1679 mista Sverige det meste av områda av Pommern aust for Oder med Saint-Germain-en-Laye-traktaten og i 1720 mista Sverige det meste av områda sør for elvane Peene og aust for Peenestrom med freden i Stockholm. Desse områda vart avstått til Brandenburg-Preussen og vart innlemma i Brandenburgsk Pommern. I 1720 fekk òg Sverige attende kontrollen over resten av Pommern med freden i Frederiksborg, etter at desse vart tapt til Danmark i 1715. I 1814, som følgje av napoleonskrigane vart Svensk Pommern avstått til Danmark i byte mot Noreg i Kielfreden og i 1815, etter Wienerkongressen, vart det overført til Preussen.

Generalguvernørar endre

Kjelder endre