Sylfest Muldal
Sylfest Hansson Muldal (17. mai 1872–6. september 1963) var ein norsk skulemann frå Norddal kommune.
| Sylfest Muldal | |
| Statsborgarskap | Noreg |
| Fødd | 17. mai 1872 Muldalen |
| Død |
6. september 1963 (91 år) |
| Yrke | lærar, forfattar |
Muldal var frå fjellgarden Muldal og tok lærareksamen i 1891. Fram til 1900 var han lærar ymse stader, frå 1900 underviste han ved Foss skole i Kristiania. I 1915 fekk han stilling som skuleinspektør i Tønsberg, eit arbeid han hadde til han gjekk av i 1942.
Muldal skreiv tre forteljingar/romanar som kom ut i åra 1895-97. Frå 1905 gav han ut fleire læreverk både i norsk, geografi, historie og kristendomsfaget. Han stod også bak fleire rettskrivingslister/-bøker i tida fram til 1939. I 1948 kom han med Kulturkrisen og følelselivet. Elles var Muldal også aktivt med i lokalpolitikk og i arbeid for lærarorganisasjonar.
Kjelder endre
- Norsk Allkunnebok. VIII. bandet. 1958