Tema:London

VELKOMMEN TIL TEMASIDA OM LONDON endre   Om byen London er hovudstaden i Storbritannia og er ein storby som ligg sør i England ved elva Themsen. London er ein av dei største byane i Europa, har ei historie som strekker seg to tusenår attende, og har i løpet av den tida vore senter for fenomen som renessansen og den industrielle revolusjonen. Sentrumet City of London har stort sett hatt dei same grensene fram til i dag, men sidan 1900-talet har omgrepet London blitt nytta om heile metropolen rundt. Dette området er i dag ein region i England og har sin eigen administrasjon med valt borgarmeister og forsamling. Byen er i moderne tid eitt av dei viktigaste politiske, økonomiske og kulturelle sentra i verda. Mykje av grunnen til dette er at London var hovudstad for det britiske imperiet, og dermed maktsenter for store delar av kloden i nær tre hundre år. Sjølve byen har 7 500 000 innbyggjarar, men om ein reknar heile storbyområdet, kjem ein opp i mellom 12 og 14 millionar innbyggjarar. Byen er med det den største i EU etter folketal. Les meir… endre   Utvald artikkel London Underground ofte berre kalla the Underground eller the Tube) er eit kollektivtransporttilbod som består av elektriske tog som køyrer i tunnelar under det sentrale London og i dagen gjennom forstadane til byen. Den første strekninga blei opna i 1863, noko som gjer banen til det eldste metrosystemet i verda. Sidan 2003 har undergrunnsbanen vore ein del av Transport for London (TfL), som også har det overordna ansvaret for koordinasjon og planlegging av bussrutene i byen, trikkelinjer, Docklands Light Railway, bussterminalen Victoria Coach Station, regulering av taxi-tenester og eit fåtal lokale jernbaneliner i byen. Tidlegare blei undergrunnsbanen drive av London Regional Transport, som var direkte underlagt dei nasjonale myndigheitene. Det er pr. februar 2007 268 opne stasjonar, og meir enn 408 km med liner som er i bruk. Banen fraktar omkring tre millionar passasjerar dagleg; i åra 1999 og 2000 blei det gjort tilsaman 927 millionar reiser, og i 2007 reiste over ein milliard med banen. I tillegg til dei opne stasjonane finst det fleire eldre stasjonar som er nedlagde. Les meir... endre   Utvald bilete TOWER BRIDGE Tower Bridge er ei bru i London, som går over elva Themsen. Ho ligg i nærleiken av Tower of London, noko som har gitt henne namnet sitt. Brua blir nokre gonger feilaktig omtalt som London Bridge, som faktisk er ei anna bru, ikkje langt unna. Den opphavlege grunnen til at den blei bygd som ei klaffebru, var for å at skipstrafikk skulle gå igjennom. Klaffane blei opphavleg drivne av seks dampmaskinar og kunne bli løfta på eitt minutt. Meir... endre   Utvald sitat « Når ein mann er trøytt av London er han trøytt av livet; for i London finst alt som livet kan by på » —Samuel Johnson (1709-1784) ...fleire sitat frå Wikifrasar endre   Kategoriar Artiklar om London kan ein finna under desse kategoriane: London Bydelar i London Byggverk i London City of London Demografi i London Folk frå London Geografi i London Historia til London Kultur i London Metropolitan Police Service Samferdsle i London Stader i London Stor-London Turistmål i London Utdanning i London Verneområde i London endre   Sjå òg Sjå òg temasida om geografi. endre   Bydelane City of London * City of Westminster Kensington and Chelsea Hammersmith and Fulham Wandsworth Lambeth Southwark Tower Hamlets Hackney Islington Camden Brent Ealing Hounslow Richmond upon Thames Kingston upon Thames Merton Sutton Croydon Bromley Lewisham Greenwich Bexley Havering Barking and Dagenham Redbridge Newham Waltham Forest Haringey Enfield Barnet Harrow Hillingdon * Ikkje ein bydel endre   Visste du at... ...temperaturen i sentrum av London midtvinters er fem grader høgare enn i områda rundt, grunna all varmen storbyen genererer? ...Kensington Gardens, Hyde Park, Green Park og St. James's Park dannar ei nesten uavbroten kjede med parkar midt i storbyen? ...Buckingham Palace har vore den offisielle bustaden til den britiske monarken sidan 1837? ...ringvegen M25 ofte blir rekna som grensa til byen, og at grensene i Stor-London har blitt flytta for å passe med vegen? ...City of London er ein sjølvstendig by som ligg midt i London? endre   Parlamentet endre   Transport London har eit av dei eldste og mest kjende kollektivtransportsystema i verda. Det er no styrt av Transport for London (TfL), som er ansvarleg for all offentleg transport innanfor Stor-London. I London har ein mange ulike transportformer, buss, jarnbane, undergrunnsbane og fly i tillegg til vanleg biltransport med utgangspunkt i M25, ein ringveg som går rundt heile London. endre   På Wikimedia endre   Hovudtema på Nynorsk wikipedia Geografi Historie Kultur Vitskap Samfunn Alle temasider...