Tranøyfjorden
Tranøyfjorden er ein fjord i kommunane Dyrøy og Senja i Troms og Finnmark. Fjorden strekkjer seg 25 km nordover frå Vågsfjorden, mellom Dyrøya og Senja til Kampevoll i botn av fjorden.
| Tranøyfjorden | |||
| fjord | |||
 | |||
| Land |  Noreg
| ||
|---|---|---|---|
| Fylke | Troms og Finnmark | ||
| Kommunar | Dyrøy, Senja | ||
 Tranøyfjorden | |||
Fjorden har innløp mellom Stangneset på halvøya Stonglandet i vest og Hagenes på sørspissen av Dyrøya i aust. Fjorden går nordover mellom Stonglandet og Dyrøya. Nord for Dyrøya går Solbergfjorden austover. Øya Tranøy, som kommunen og fjorden er kalla opp etter, ligg eit stykke nord for Dyrøya. Frå her og inn til botn av fjorden vert han kalla Tranøybotn.
Ved nordenden av Stonglandet ligg Stonglandseidet. Her det berre 350 meter over til Eidepollen på vestsida. Det er ikkje så mange busetnader ved fjorden, men på vestsida ligg grendene Vassvik og Jøvik.
Riksveg 860 går langs store delar av vestsida på Senja. Langs fjorden ved Stonglandet går Fv223.