Tungenes prosti

Tungenes prosti er eit tenestedistrikt i Stavanger bispedømme i Den norske kyrkja. Det har prostesete i Randaberg der Randaberg kyrkje er prostikyrkje.

Tungenes fyr. Tungenes i Randaberg er nordspissen på Jæren, og har gjeve namn til prostiet.

Prostiet vart oppretta i 1998, og omfatta då Randaberg og Kvitsøy kommunar, som vart utskilde frå Jæren prosti, og seks sokn i Stavanger kommune (Madlamark, Hafrsfjord, Sunde, Tasta, Vardeneset og Tjensvoll), som vart utskilde frå Stavanger domprosti. I 2006 vart Tjensvoll flytta att til domprostiet, mens dei andre Stavanger-sokna gjekk til det då nyoppretta Ytre Stavanger prosti. Til gjengjeld vart Tungenes prosti auka med Sola kommune, som vart tilført frå Sandnes prosti, og Rennesøy og Finnøy kommunar, som vart tilførte frå Søre Ryfylke prosti.

Noverande geografisk område

• Randaberg kommune
  • Randaberg sokn
  • Grødem sokn (utskild frå Randaberg i 1999)
• Kvitsøy kommune
  • Kvitsøy sokn
• Tidlegare Finnøy kommune
  • Hesby sokn
  • Talgje sokn
  • Sjernarøy sokn
• Tidlegare Rennesøy kommune
  • Rennesøy sokn
  • Mosterøy sokn
• Sola kommune
  • Sola sokn
  • Sørnes sokn
  • Tananger sokn
  • Ræge sokn

Sjå òg

• Kyrkjer i Noreg etter prosti
• Kyrkjer i Noreg etter kommune

Bakgrunnsstoff

• Nettsida til Den norske kyrkja