Tysvær kommune
Tysvær er ein kommune på Haugalandet i Rogaland fylke. Han grensar til kommunane Haugesund og Karmøy i vest, Sveio i Hordaland og Vindafjord i nord, over Vindafjorden i aust ligg Suldal, i sør øykommunen Bokn og over Boknafjorden i sør ligg Stavanger kommune. E39 og E134 går gjennom Tysvær og kryssar kvarandre i kommunesenteret Aksdal.
| Tysvær kommune | |||
| kommune | |||
|
|||
| Land |  Noreg
| ||
|---|---|---|---|
| Fylke | Rogaland | ||
| Adm.senter | Aksdal | ||
| Areal | 425 km² | ||
| - land | 399 km² | ||
| - vatn | 26 km² | ||
| Folketal | 11 405 (1. januar 2023) | ||
| Målform | nynorsk | ||
| Ordførar | Monika Lindanger (H) | ||
| Kommunenr. | 1146 | ||
 Tysvær | |||
 | |||
| Wikimedia Commons: Tysvær | |||
| Nettstad: www.tysver.kommune.no | |||
Kommunen ligg på nordsida av Boknafjorden og landskapet er prega av fleire fjordar som går innover i landet sørfrå. I vest ligg Førresfjorden, litt lenger aust Førlandsfjorden, så kjem Hervikfjorden/Skjoldafjorden/Grindafjorden før kommunen vert avgrensa av Vindafjorden i aust. I nordaust går grensa mot Vindafjord kommune i Yrkefjorden. Mellom fjordane ligg det ein del mindre innsjøar og vatn. Det er ein del mindre øyer i kommunen, den største av dei, og den einaste som er busett, er Borgøy som ligg i Skjoldafjorden.
Mange av dei som bur i Tysvær har arbeidet sitt i Haugesund. Elles er jordbruk ein viktig leveveg, og det vert også drive noko fiske og fiskeoppdrett. Sørvest i kommunen ligg Kårstø gassbehandlings- og kondensatanlegg.
Tysvær Bygdeblad er lokalavis for Tysvær. Haugesunds Avis har òg nyhende frå kommunen.
Bakgrunnsstoff endre
-
-
Grinde camping
-
Sajå kraftverk
