Unser Star für...

Sjå òg Tyskland i Eurovision Song Contest.

Unser Star für... eller Unser Song für... (USf..., tysk for Vår stjerne for... og Vår song for...) er ei årleg tysk musikktevling arrangert av ProSieben og Das Erste som avgjer representanten til Tyskland i Eurovision Song Contest. Tevlinga har vorte arrangert sidan 2010 og har litt ulike namn kvart år, alt etter kor Eurovision Song Contest vert arrangert: Unser Star für Oslo då Noreg arrangerte tevlinga i 2010, Unser Song für Deutschland då Tyskland arrangerte tevlinga og hadde valt Lena internt til sin representant i 2011, Unser Star für Baku då tevlinga vart arrangert i Aserbajdsjan i 2012 og Unser Song für Malmö når tevlinga vert arrangert i Sverige i 2013.

Vinnarar

For oversyn over poenga i Eurovision Song Contest, sjå Tyskland i Eurovision Song Contest.

År	Artist	Song	Språk
2010	Lena	«Satellite»	Engelsk
2011	Lena	«Taken by a Stranger»	Engelsk
2012	Roman Lob	«Standing Still»	Engelsk
2013	Cascada	«Glorious»	Engelsk
2014	Elaiza	«Is It Right»	Engelsk
2015	Andreas Kümmert	«Heart of Stone»	Engelsk
	Ann Sophie	«Black Smoke»	Engelsk

I Eurovision Song Contest

Sidan Tyskland er ein av dei fem store, dei største bidragsytarane Den europeiske kringkastingsunionen (EBU), er landet alltid direktekvalifisert til finalen. Lena vann tevlinga i 2010 og fekk representere Tyskland i Eurovision Song Contest 2010 der ho vann med 246 poeng. Det var den andre sigeren til Tyskland og den fyrste etter at Vest-Tyskland vart sameint på nytt med Aust-Tyskland. Det var òg fyrste gongen eit land frå dei fem store, som då heit dei fire store, vann Eurovision Song Contest. I 2011 vart det stadfesta at Lena fekk representere Tyskland på heimebane. Denne gongen enda ho på tiandeplass med 107 poeng. I 2012 enda Roman Lob på åttandeplass med 110 poeng.

Programleiarar

• 2010: Sabine Heinrich og Matthias Opdenhövel
• 2011: Sabine Heinrich og Matthias Opdenhövel
• 2012: Sandra Rieß og Steven Gätjen

Kjelder

• Denne artikkelen bygger på «Germany in the Eurovision Song Contest 2010» frå Wikipedia på engelsk, og «Germany in the Eurovision Song Contest 2011» frå Wikipedia på engelsk den 6. juni 2012.

• Denne artikkelen bygger på «Germany in the Eurovision Song Contest 2012» frå Wikipedia på engelsk, og «Dei fem store» frå nn den 6. juni 2012.

• Denne artikkelen bygger på «Unser Star für Oslo» frå Wikipedia på tysk, og «Unser Song für Deutschland» frå Wikipedia på tysk den 6. juni 2012.

• Denne artikkelen bygger på «Unser Star für Baku» frå Wikipedia på tysk, den 6. juni 2012.