Valestrand
- For Valestrand på Osterøy, sjå Valestrandsfossen.
Valestrand er ei bygd i Sveio og ein tidlegare kommune i Vestland. Valestrand er ei halvøy som ligg nord for Førdespollen, heilt nord i Sveio kommune.
| Valestrand | |||
| stad | |||
 | |||
| Land |  Noreg
| ||
|---|---|---|---|
| Fylke | Vestland | ||
| Kommune | Sveio | ||
| Folketal | ca 780 (2024) | ||
| Postnummer | 5554 Valevåg | ||
| Ferdselsårer | E39 | ||
 Valestrand 59°40′26″N 5°28′01″E / 59.674°N 5.467°E | |||
| Wikimedia Commons: Valestrand, Sveio | |||
Busetnaden i Valestrand er for det meste spreidd, bortsett frå to byggjefelt i Valevåg og på Tittelsnes. Fram til 1997 var bygda delt i to skulekrinsar, med Ørevik skule og Einstabøvoll skule. Dei er no slegne saman til Valestrand skule, som førebels held til i skulebygget til tidlegare Einstabøvoll skule.
Valestrand kyrkje vart sett opp i 1873 og står ved Ulvaråker.
Valestrand kommune
endreFrå formannskapslova vart innført i 1837 var Valestrand ein del av Stord formannskapsdistrikt. 15. mai 1868 vart Valestrand skilt ut som eigen kommune, med 900 innbyggjarar. 1. april 1870 vart ein del av Moster kommune, med 247 innbyggjarar, overført til Valestrand. 1. januar 1964 vart Valestrand slegen saman med delar av kommunane Skjold og Vikebygd i Rogaland og Sveio til det som no er Sveio kommune. Ved samanslåinga hadde Valestrand 1 216 innbyggjarar.
Folketalsutvikling
endreFolketalsutvikling for tidlegare Valestrand kommune frå 1920 til 1964:
| 1.12.1920[1] | 1.12.1930[2] | 3.12.1946[2] | 1.1.1951[3] | 1.1.1961[3] | 1.1.1964 |
|---|---|---|---|---|---|
| 1067 | 1124 | 1208 | 1219 | 1232 | 1216 |
Kjelder
endre- Delar av denne artikkelen bygger på «Valestrand» frå Wikipedia på bokmål, den 23. mars 2008.