Valle kyrkje i Lindesnes
Valle kyrkje ligg på austsida av elva Audna, på Vigeland i Lindesnes kommune.
| Valle kyrkje | |||
| kyrkje | |||
 | |||
| Land |  Noreg
| ||
|---|---|---|---|
| Fylke | Agder | ||
| Kommune | Lindesnes | ||
| Kyrkjesamfunn | Den norske kyrkja | ||
| Bispedøme | Agder og Telemark | ||
| Prosti | Lister og Mandal | ||
| Sokn | Lindesnes | ||
| Fellesråd | Lindesnes | ||
| Type | Krosskyrkje | ||
| Material | Tre | ||
| Innvigd | 1793 | ||
| Kyrkjegard | Ja | ||
| Sitjeplassar | 600 | ||
 Valle kyrkje 58°04′55″N 7°18′26″E / 58.08187°N 7.30728111°E | |||
| Wikimedia Commons: Valle kirke | |||
Kyrka er ei lafta krosskyrkje som vart innvigd i 1793. Ho har 6 galleri og 600 sitjeplassar.[1]
På slutten av 1980-talet vart taket på kyrkja restaurert, og til 200-årsjubileet i 1993 vart kyrkja restaurert inni. Mellom anna vart den naturlege fargen på tømmerveggane avdekka.
Det er dokumentert at det var kyrkje på Valle i 1390. Plasseringa er ikkje kjend. I 1577 bygde Peder Claussøn Friis ei ny kyrkje i nordenden av dagens kyrkjegard. Ho vart kalla Peder Claussøns kyrkje og var i bruk til 1792, då ho vart riven. Dagens kyrkje vart bygd i 1793.
I Valle kyrkje heng eit måleri av Peder Claussøn Friis som mellom anna har vore stilt ut på Nasjonalgalleriet. Måleriet og andre gjenstandar er overførte frå Peder Claussøns kyrkje.
På Valle kyrkjegard finn ein gravene til foreldra til Gustav og Emanuel Vigeland, Anna[2] og Elisæus[3], og til eldste broren, Theodor.[4] Desse er freda. Gravsteinane er utforma av Gustav, som vart konfirmert i Valle kyrkje i 1883.[5] Han har òg utforma statuen av Peder Claussøn Friis utanfor kyrkja.[6] Krigsminnesmerket på kyrkjegarden er laga av fillenevøen til Vigeland-brørne, Arne N. Vigeland.[7]
Fotnotar endre
- ↑ Kyrkjesøk
- ↑ Bilete av gravminne
- ↑ Bilete av gravminne
- ↑ Bilete av gravminne
- ↑ Spotstudio.no
- ↑ Gustav Vigeland i Norsk biografisk leksikon.
- ↑ Arne N. Vigeland i Norsk biografisk leksikon
Kjelder endre
- Anna Homme, Kenneth Skofteland, Melvin Kleiven, red. (1993). Valle kirke 200 år.
- Alf Henry Rasmussen (1993). «Valle kirke, Vigeland». Våre kirker. Norsk kirkeleksikon. Kirkenær: Vanebo forlag. s. 463. ISBN 82-7527-022-7.
- Denne artikkelen bygger på «Valle kyrkje i Lindesnes» frå Wikipedia på bokmål, den 11. september 2017.
Bakgrunnsstoff endre
- «Valle kyrkje i Lindesnes». Kirkesøk. Den norske kyrkja.
- Valle kyrkje i Lindesnes i kulturminnesok.no, nettstaden til Riksantikvaren
- Lindesnes kyrkjelyd