Vilkitskijøya i Karahavet

Vilkitskijøya (russisk Остров Вильки́цкого; Ostrov Vilkitskogo) er ei øy i Karahavet. Ho ligg 40 km nordaust for Sjokalskogoøya, utanfor Gydanhalvøya nord i Sibir i Russland. Øya er forblåst og dekt av tundra. Vilkitskijøya er halvmåneforma go er delt i to av eit smalt sund. Ho er 42 km lang, men berre 12 km på det breiaste.

Vilkitskijøya
øy
Land	Russland
Areal	153,9 km²
Folketal	0
Vilkitskijøya i Karahavet 73°28′0″ N 75°45′0″ E
Plasseringa av Vilkitskij- og Neupokojevaøya i Karaahavet Plasseringa av Vilkitskij- og Neupokojevaøya i Karaahavet

Havet omkring øya er dekt av pakkis om vinteren og det er mykje isflak sjølv om sommaren. Det er eit grunt område mellom Vilkitskijøya og naboøya i sør, Neupokojevaøya (Остров Неупокоева).

Vilkitskijøya høyrer til Tjumen oblast og er ein del av Det store arktiske statlege naturreservatet, det største naturreservatet i Russland og Europa.

Øya må ikkje forvekslast med dei vesle Vilkitskijøyane, som i dag stort sett vert kalla Dzjekmanøyane på dei fleste kart og som er ein del av Nordenskiöldøyane, Vilkitskijøyaane i Laptevhavet utanfor austkysten av Tajmyrhalvøya, og Vilkitskijøya i Aust-Sibir-havet.

Alle desse øyane er kalla opp etter den russiske hydrografen Andrej Vilkitskij.

Kjelder

• Denne artikkelen bygger på «en:Vilkitsky Island (Kara Sea)» frå Wikipedia på engelsk, den 14. august 2008.
  • Wikipedia på engelsk oppgav desse kjeldene:
    • Naturreservat Arkivert 2007-10-08 ved Wayback Machine.
    • Istilhøve