William Henry Singer
William Henry Singer jr. (5. juli 1868–29. desember 1943) var ein amerikansk biletkunstnar og millionærarving til eitt av dei største stålverkselskapa i USA.
| William Henry Singer | |
 | |
| Statsborgarskap | USA, Kongeriket Nederlanda, Noreg |
| Fødd | 5. juli 1868 Pittsburgh |
| Død | |
| Yrke | kunstmålar |
| Medlem av | Arti et Amicitiae |
| Ektefelle | Anna Brugh Singer |
| William Henry Singer på Commons | |
Singer måla mellom anna vestlandske landskap i impresjonistisk stil. Motiv til måleria fann han i mange år inst i Nordfjord.[1]
William Henry Singer og kona Anna kom til Olden i Nordfjord første gong i 1913. Dei likte seg her og kom tilbake åra etter og budde i bygda i sommarhalvåret. Etterkvart fekk dei teikna og bygd villaen Dalheim, som stod ferdig i 1921.[2] Kunstnarbustaden, også kalla Singerheimen, vart innreia med ei betydeleg samling av kunst og antikvitetar. Singerheimen vart ein samlingsstad og delvis bustad for kunstnerar.[1] Anlegget omfattar fleire bygningar, som hadde ulike funksjonar i si tid.[3]
William Henry Singer gjorde mykje for lokalsamfunnet i Nordfjord. Han donerte store pengegåver til ulike prosjekt i Olden og omegn, mellom anna til Nordfjord sjukehus og til bygging av vegen mellom Innvik og Olden.[3] Singer vart utnemnd til kommandør med stjerne av St. Olavs Orden for sin samfunnsinnsats i Nordfjord.[1]
Eigedomen Singerheimen blir driven av Stiftelsen William H Singer Jr's og Anna Brugh Singers Minde og administrert av Vestland fylkeskommune. Singerheimen er i dag gjestehus og museum på sommartid.[2] I 2021 vart Singerheimen freda av Riksantikvaren.[3]
Kjelder
endre- ↑ 1,0 1,1 1,2 Anker, Peter M. (18. juni 2024). «William Henry Singer». Norsk biografisk leksikon (på norsk).
- ↑ 2,0 2,1 Om oss - Singerheimen (på engelsk), 28. september 2024, henta 16. oktober 2024
- ↑ 3,0 3,1 3,2 Singerheimen i Dalheim er freda av Riksantikvaren (på norsk bokmål), henta 15. oktober 2024