Wipe Out

Wipe Out Singel av The Surfaris frå albumet Wipe Out
A-side	«Surfer Joe»
Utgjeve	Januar 1963
Innspelt	1962, Cucamonga's Pal Recording Studio
Sjanger	Surferock
Lengd	2:12
Selskap	DFS, Princess, Dot
Låtskrivar(ar)	Bob Berryhill, Pat Connolly, Jim Fuller, Ron Wilson
The Surfaris-kronologi
	Wipe Out	«Point Panic» (1963)

«Wipe Out» er ein surferock-instrumental skriven av Bob Berryhill, Pat Connolly, Jim Fuller og Ron Wilson. Han er ein 12-taktsblues først framført og spelt inn av The Surfaris, som var internasjonale stjerner med denne singelen og «Surfer Joe» i 1963.

Singelen kom først ut på det vesle selskapet DFS i januar 1963 og kom ut at på ny på det vesle Princess i februar 1963, før det vart distribuert nasjonalt på Dot i april 1963. Dot gav ut singelen nok ein gong i april 1965.

Både Surfaris sin versjon og fleire coverversjonar er blitt nytta i over 20 filmar og TV-seriar sidan 1964.

Omgrepet «wipe out» syner til eit fall frå surfebrettet, særleg eit som ser smertefullt ut.

Bakgrunn

Bob Berryhill, Pat Connolly, Jim Fuller og Ron Wilson skreiv melodien nesten på sparket, då dei trengde ei B-side til singelen «Surfer Joe». Seint i 1962, medan bandet var i Cucamonga's Pal Recording Studio for å spele inn singelen, føreslo eit av bandmedlemmane at dei i introduksjonen før musikken byrjar tok med eit høgt smell, som skulle etterlikne lyden av eit surfebrett som bryt i to. Etter smellet kan ein høyre ei manisk stemme sei «ha ha ha ha ha, wipe out». Stemma i byrjinga av songen er manageren til bandet på den tida, Dale Smallin.

Mottaking

Singelen låg fire månader på den nasjonale Billboard-lista hausten 1963 og nådde andreplassen på lista, bak Stevie Wonder sin «Fingertips». «Wipe Out» gjekk inn att på Hot 100 i 1966 og nådde då 16. plassen på Billboard- og niandeplassen på Cash Box-lista.

Medverkande

• Bob Berryhill – rytmegitar
• Jim Fuller – sologitar
• Pat Connolly – bass
• Ron Wilson – trommer

Salslister

Liste (1963/1966)	Plassering
Kanadiske RPM Top Singles	5
Tyskland	46
UK Singles Chart	5
US Billboard Hot 100	2
US Hot R&B Singles	10

The Fat Boys feat. The Beach Boys-versjonen

Wipe Out Singel av The Fat Boys & The Beach Boys frå albumet Crushin'
B-side	Fat Boys - «Crushin»
Utgjeve	10. juli 1987
Innspelt	1986
Sjanger	Old-school hip hop, surferock
Lengd	3:50
Selskap	PolyGram
Låtskrivar(ar)	Bob Berryhill, Pat Connolly, Jim Fuller and Ron Wilson
Produsent	Brian Wilson, Albert Cabrera, Tony Moran & The Beach Boys
The Fat Boys & The Beach Boys-kronologi
«Jail House Rap» (1985)	Wipe Out	«The Twist (Yo, Twist)» (1988)

Sommaren 1987 laga The Fat Boys & The Beach Boys ein ny versjon av «Wipe Out» som nådde 12. plassen på den amerikanske singellista og andreplassen på den britiske.

Innhald

7" Single

1. Wipeout! 3:50
2. Fat Boys - Crushin' 3:40

12" Maxi

1. Wipeout! (Wave I) 6:05
2. Wipeout! (Wave II) 5:43
3. Fat Boys - Crushin' (12") 5:38

Salslister

Liste (1987)	Plassering
US Billboard Hot 100	12
UK Singles Chart	2
Tyskland	30
Nederlandsk Topp 40	13
Belgia	17
Noreg	2
New Zealand	2

Andre versjonar

• The Ventures spelte «Wipe Out» på albumet deira Let's Go (1963) og The Ventures On Stage (1965).
• Det engelske punkrockbandet Toy Dolls spelte inn ein særs kjapp versjon på det andre studioalbumet deira, A Far Out Disc, i 1985.
• I 1993 spelte Animal frå The Muppets inn songen for albumet Muppet Beach Party. Han kom ut på singel i 1994 og nådde då 38. plassen på UK Singles Chart. Det vart laga ein musikkvideo til songen.
• Jan & Dean sin konsertversjon av «Wipe Out» frå eit tidlegare fjernsynsprogram kom i 2001 på albumet deira Live In Concert: Surf City.

Kjelder

• Denne artikkelen bygger på «Wipe Out (instrumental)» frå Wikipedia på engelsk, den 4. mars 2018.
  • Wikipedia på engelsk oppgav desse kjeldene: