Wuwei
- For andre tydingar av oppslagsordet, sjå Wuwei (fleirtyding).
Wuwei (kinesisk skrift 武威, pinyin Wŭwēi) er eit byprefektur sentralt i provinsen Gansu i Folkerepublikken Kina. Prefekturet har eit areal på 33 249 km² og hadde 1 815 054 ibuarar i 2010.
| Wuwei | |||
| region | |||
 Det sentrale torget i Wuwei
| |||
| Land |  Folkerepublikken Kina
| ||
|---|---|---|---|
| Areal | 32 347,09 km² | ||
| Folketal | 1 815 059 (2010) | ||
 Wuwei 37°55′40″N 102°37′58″E / 37.92781°N 102.63286°E | |||
.png) Plasseringa av Wuwei (gul) i Gansu
| |||
| Wikimedia Commons: Wuwei | |||
Byprefekturet Wuwei omfattar eitt distrikt (区 qū), to fylke (县 xiàn) og eitt autonomt fylke (自治县 zìzhìxiàn).
Historie endre
I den kinesiske oldtida vart Wuwei kalla Liangzhou (凉州), og var den austlegaste endestasjonen for Hexi-korridoren. Området var busett frå ca 3000 år f.Kr. Staden vart ein viktig by langs den nordlege Silkevegen,[1] noko ei rad arkeologiske funn gjort i Wuwei viser, mellom anna av koparvogner med steindyr.[2] I 121 f.Kr. sende Han-keisaren Wudi kavaleriet til staden for å forsvare Hexi-korridoren mot xiongnuane. Denne hæren lukkast militært, noko som førte til den kinesiskregjerte korridoren vart utvida vestover.
Med si rolle som stoppestad på handelsvegane vart Wuwei eit møtepunkt for mange folk og kulturar. Mange buddhistiske grotter og tempel i området vitnar om utbreiinga av buddhismen frå India og Afghanistan til Kina.
Under Dei tre statars tid rådde Ma Teng over Liangzhou. Etter Ma Teng døydde overtok Ma Chao, han regjerte byen ei kort tid før byen vart erobra av Cao Cao, herskar over Wei-riket.
Seinare, under Fem dynasti og ti kongerike-tida, låg eit mindre mellomalderrike Liangzhou i området.
Samferdsle endre
Kinas riksveg 312 går gjennom området. Han fører frå Shanghai og endar på grensa mot Kasakhstan, og passerer mellom andre Suzhou, Nanjing, Hefei, Xinyang, Xi'an, Lanzhou, Jiayuguan og Urumqi.
Notar endre
- ↑ Silk Road, North China, C Michael Hogan, The Megalithic Portal, ed. A Burnham
- ↑ Zhang Yiping, Story of the Silk Road, 2005, 五洲传播出版社, ISBN 9787508508320
Kjelder endre
- Denne artikkelen bygger på «Wuwei, Gansu» frå Wikipedia på engelsk, den 19. august 2012.
