Smettparula
| Smettparula | |
 Litografi av Henrik Grönvold, 1905 | |
| Utbreiing og status | |
Status i verda:  Livskraftig Utbreiinga av Smettparula | |
| Systematikk | |
| Underrekkje: | Virveldyr Vertebrata |
| Klasse: | Fuglar Aves |
| Orden: | Sporvefuglar Passeriformes |
| Parvorden: | Passerida |
| Overfamilie: | Passeroidea |
| Familie: | Parulafamilien Parulidae |
| Slekt: | Zeledonia |
| Art: | Smettparula Z. coronata |
| Vitskapleg namn | |
| Zeledonia coronata | |
Smettparula (Zeledonia coronata) er ein liten, insektetande fugl med uklår plassering innanfor den biologiske ordenen Passeriformes, sporvefuglar. Han er endemisk for eit avgrensa område i Sentral-Amerika, høgtliggande skog i Costa Rica og i vestre Panama.
Som namnet ymtar om, har han vore rekna som medlem i parulafamilien, men frå 2017 lista som ein ny familie Zeledoniidae i EBird/Clements Checklist.[1]
Skildring endre
Dette er ein liten sporvefugl på ca. 12 centimeter i kroppslengd og han veg vel 20 gram. Kroppsforma minnar om gjerdesmett med kort hale, runde, korte venger og lang tars. Fjørdrakta gjev eit svært mørkt inntrykk, mørk olivengrøn overside og skifergrå underside. Hovudet har grå felter på sidene og ei oransjeraud krone. Kjønna er like i fjørdrakt.[2]
Habitatet er i tett vegetasjon prega av bambus eller páramo-økosystem over 1500 moh. og opp til tregrensa, men ofte rundt 2500 moh. Dei søkjer animalsk føde helst nede på bakken.[2]
Populasjonen er ikkje estimert og er trudd å vere stabil. Arten er klassifisert som globalt livskraftig.[3]
Kjelder endre
- Referansar
- ↑ Clements, J. F., T. S. Schulenberg, M. J. Iliff, B.L. Sullivan, and C. L. Wood (august 2017), Updates & Corrections: August 2017, The Clements checklist of birds of the world: Version 6.12, page 646, Zeledoniidae (Wrenthrush) , Cornell Lab of Ornithology Henta den 8. oktober 2017
- ↑ 2,0 2,1 2,2 Curson, J. (2017) Wrenthrush (Zeledonia coronata) I: del Hoyo, J., Elliott, A., Sargatal, J., Christie, D.A. & de Juana, E. (eds.) (2016). Handbook of the Birds of the World Alive. Lynx Edicions, Barcelona. Henta den 8. oktober 2017
- ↑ BirdLife International (2017) Species factsheet: Zeledonia coronata. Henta frå http://www.birdlife.org den 8. oktober 2017
