Anne Kathrine Slungård
Anne Kathrine Slungård (fødd 14. januar 1964) er ei norsk offentleg tenestekvinne, næringslivsleiar og politikar for Høgre. I 1998, då ho var 34 år gammal, blei ho den yngste ordføraren i Trondheim kommune i historia. Ho avslo å bli statsråd eller stortingsrepresentant, og gjekk i 2003 ut av politikken og over til næringslivet.[1] I 2020 blei ho administrerande direktør for Trondheim Symfoniorkester og Opera (TSO).[2]
| Anne Kathrine Slungård | |||
_(crop).jpg) | |||
| Fødd | 14. januar 1964 (60 år) Meråker kommune | ||
|---|---|---|---|
| Statsborgar av | Noreg | ||
| Parti | Høgre | ||
| Yrke | politikar, forretningsdrivande | ||
| Alle verv |
| ||
Liv og virke endre
Bakgrunn endre
Slungård vaks opp i Meråker i Nord-Trøndelag, der familien dreiv sagbruk. Heime fekk ho også interesse for vinteridrett og politikk. Ho gjekk idrettslinja ved Oppdal videregående skole og allmennfagleg linje ved Ringve videregående skole, og studerte økonomi, marknadsføring og kommunikasjon ved TØH og BI.[3][4][5]
Politikken endre
Slungård leia Sør-Trøndelag Unge Høgre mens ho gjekk idrettslinja, og sat i sentralstyret til Unge Høgre 1984–1986. Ho var tilsett som fylkessekretær i Nord-Trøndelag Høgre 1988–1991, og blei sidan tilsett som politisk rådgjevar for ordførar Marvin Wiseth i Trondheim. Slungård blei vald inn i Trondheim bystyre i 1995, og våren 1998 tok ho over som ordførar etter Wiseth. I 2003 gjekk ho ut av bystyret. Slungård var medlem av sentralstyret til Høgre 2002–2004.
Nærings- og organisasjonliv endre
Slungård var kommunikasjonsdirektør i SINTEF 2004–2005, dagleg leiar i Total Consult Trondheim i 2005, marknadsdirektør i Entra Eiendom 2005–2009, administrerande direktør i Ungt Entreprenørskap 2010–2016[6] og rådmann i Stjørdal kommune 2017–2019.[7] I 2020 blei ho administrerende direktør for Trondheim Symfoniorkester og Opera (TSO).[2]
Slungård har hatt ei rekkje styreverv i næringslivet, deriblant i SIVA, Statskog, Vital Forsikring, Siemens, Meråker Utvikling (Merut) og Adresseavisen, i tillegg til bedriftsforsamlinga i Statoil.[8][9] Slungård leia Statoils valkomité 2002–2007.
Slungård har vore visepresident i Polyteknisk Forening, visepresident i Norges Skiforbund og medlem av Kringkastingsrådet.[6]
Kjelder endre
- ↑ Ørslien, Geir Anders (15. november 2003). «Farvel, statsråd». Dagbladet. Henta 2. juli 2013.
- ↑ 2,0 2,1 Grann, Annemona (27. mars 2020). «Oppstarten ble ikke helt som planlagt for den nye direktøren». Adressevisen. Henta 7. desember 2021. (krev abonnement)
- ↑ Stokke, Olga (4. april 1998). «Ny stil på toppen». Aftenposten (morgen utg.): 29.
- ↑ Holmquist, Tone (13. februar 1998). «Ingen aprilspøk for Anne Kathrine». Kommunal Rapport. Henta 7. desember 2021.
- ↑ Knutsen, Siri (28. juli 2011). «- Jeg valgte en "potet"-utdannelse». Hegnar Kvinner. Arkivert frå originalen 2. juli 2013. Henta 2. juli 2013.
- ↑ 6,0 6,1 «Ny leder i Ungt Entreprenørskap». Ungt Entreprenørskap. 6. november 2009. Arkivert frå originalen 2. juli 2013. Henta 2. juli 2013.
- ↑ Leth-Olsen, Lina (8. september 2016). «Anne Kathrine Slungård innstilt som ny rådmann i Stjørdal». Adresseavisen. Henta 16. desember 2016.
- ↑ Langørgen, Ståle (12. desember 2007). «– Alvorlig for Siemens». Adresseavisen. Arkivert frå originalen 12. februar 2012. Henta 2. juli 2013.
- ↑ Værnesbranden, Ivar (3. juni 2008). «Blir styreleder i Merut». Stjørdalens Blad. Arkivert frå originalen 3. juli 2013. Henta 2. juli 2013.
- Denne artikkelen bygger på «Anne Kathrine Slungård» frå Wikipedia på bokmål, den 30. mars 2023.
