Arvid Nilssen
norsk songar og skodespelar
Arvid Nilssen (fødd 25. desember 1913 i Alvdal, død 24. mars 1976) var ein norsk revy-skodespelar.
| Arvid Nilssen | |
 | |
| Statsborgarskap | Noreg |
| Fødd | 25. desember 1913 Alvdal |
| Død | |
| Yrke | skodespelar, songar |
| Arvid Nilssen på Commons | |
Han debuterte i 1935 ved Scala Teater og var med korte avbrot knytt til Chat Noir og Edderkoppen. Han debuterte på film med Bør Børson jr og hadde seinare biroller i fleire norske filmar.
I dag blir Arvid Nilssen kanskje best hugsa for rolla som den umælande mannen til Kari Diesen i sketsjen «Uteliggerne» (skriven av Bias Bernhoft og Bjørn Sand). NRK har ved fleire høve sendt dette nummeret der Nilssen utfaldar seg i nokre av sine spesialitetar, ein helt særeigen mimikk og framstilling av dei små i samfunnet gjort med eit snev av tragedie og melankoli.
Filmografi i utval endre
- 1938: Bør Børson Jr
- 1942: En herre med bart
- 1943: Vigdis
- 1946: Et spøkelse forelsker seg
- 1954: Aldri annet enn bråk
- 1955: Ute blåser sommervind
- 1961: Sønner av Norge
- 1963: Elskere
- 1964: Pappa tar gull