Brian McGee
Brian McGee (fødd 8. mars 1959) er ein skotsk trommeslagar som spelte i forskjellige band som Simple Minds og Endgames.[1] Broren hans Owen, har under sitt eige namn, Owen Paul, hatt ein hitsingel med ein versjon av Marshall Crenshaw-songen You're My Favorite Waste of Time.[2]
| Brian McGee | |||
| Fødd | 8. mars 1959 (65 år) | ||
|---|---|---|---|
| Fødestad | Glasgow | ||
| Opphav | Gorbals i Glasgow i Skottland | ||
| Sjanger | Punkrock, post-punk, new wave, poprock, alternativ rock | ||
| Instrument | Trommer, perkusjon, vokal | ||
| Tilknytte artistar | Johnny and the Self Abusers, Simple Minds, Endgames, Propaganda, Ex-Simple Minds | ||
| Plateselskap | Zoom, Virgin | ||
| Verka som | Musikar | ||
McGee møtte den framtidige Simple Minds-frontmannen Jim Kerr då dei begge gjekk på ungdomsskulen i lag, og vart med han og andre vener (gitaristen Charlie Burchill og bassisten Tony Donald) frå den same skulen i bandet Biba-Rom! kring midten av 1970-åra, medan dei framleis var på skulen.[3][4] I 1977 skipa dei punkbandet Johnny and the Self Abusers, som endra namn til Simple Minds.[5] Han var med på albuma Life in a Day, Real to Real Cacophony, Empires and Dance og Sons and Fascination. I september 1981[6] slutta han i Simple Minds etter å ha blitt trøytt av all turneringa og livet i bandet.[6]
Han vart sidan med i gruppa Endgames. Etter to album vart bandet oppløyst i 1985. På den tida gjekk han saman med den tidlegare kollegaen i Simple Minds, Derek Forbes, i gruppa Propaganda, der han var fram til 1995.[7] I 2009 skipa begge desse bandet Ex-Simple Minds eller XSM.
Kjelder endre
- Denne artikkelen bygger på «Brian McGee» frå Wikipedia på engelsk, den 6. september 2020.
- Wikipedia på engelsk oppgav desse kjeldene:
- ↑ «Brian McGee - Artist Profile». eventseeker.com. Henta 6. september 2020.
- ↑ «Owen Paul - My Favourite Waste of Time | Simplyeighties.com». www.simplyeighties.com. Henta 6. september 2020.
- ↑ «dream giver redux | family tree | biba-rom!». Simpleminds.org. Henta 6. september 2020.
- ↑ «dream giver redux | family tree | johnny and the self abusers». Simpleminds.org. Henta 6. september 2020.
- ↑ «dream giver redux | family tree | simple minds #1». Simpleminds.org. Henta 6. september 2020.
- ↑ 6,0 6,1 «dream giver redux | people | brian mcgee». Simpleminds.org. Henta 6. september 2020.
- ↑ «Propaganda Discography at Discogs». Discogs.com. Henta 6. september 2020.