Enid Blyton
Enid Mary Blyton (11. august 1897–28. november 1968) var ein engelsk barnebokforfattar, mellom anna kjent for forteljingane om Noddy og for dei 21 bøkene i Fem-serien. I alt skal ho ha skrive meir enn 700 barnebøker og 10 000 noveller.[1]
| Enid Blyton | |
| Pseudonym | Mary Pollock |
| Statsborgarskap | Storbritannia |
| Fødd | 11. august 1897 London, East Dulwich |
| Død | |
| Yrke | skribent, romanforfattar, lyrikar, skolelærer, barnebokforfattar, manusforfattar, lærar |
| Språk | engelsk |
| Sjanger | barnelitteratur |
| Ektefelle | Hugh Alexander Pollock, Kenneth Fraser Darrell Waters |
| Born | Gillian Baverstock, Imogen Smallwood |
| Enid Blyton på Commons | |
Liv endre
Blyton var fødd i East Dulwich og voks opp i Forstads-London, med ein far som forlét familien då ho var i tenåra. Usemje med mora gjorde at Enid sjølv flytta ut kort tid etter.[1] Ho var ein dyktig pianist som ung, med avbraut musikkutdanninga for å ta lærarutdanning.
Ho gifta seg i 1924 med Hugh Alexander Pollock (1888–1971), som arbeidde i forlaget hennar. I 1943 gifta ho seg på nytt, med legen Kenneth Fraser Darrell Waters, som ho hadde hatt eit forhold til i to år. Ho blei enke i 1967. Kort tid etter utvikla ho Alzheimers sjukdom, og døydde i pleieheim året etter. Ho hadde to døtrer med den fyrste ektemannen sin. Imogen Blyton skreiv seinare ein biografi om mora.
Forfattarskap endre
Ho debuterte i 1922 med barnediktsamlinga Child Whispers, og etablerte seg raskt som ein effektiv bidragsytar til ulike magasin og tidsskrift. I den fyrste delen av forfattarskapet handla verka hennar ofte om alvar, feer og liknande eventyrfigurar.
Forfattarskapet omfattar mange sjangrar: attforteljingar, fagbøker og forteljingar. Forteljingane kan grupperast i tre grupper etter miljøa sine: light fantasy med alvar og feer, kostskule-forteljingar og barnedetektiv- og eventyrfortelljngar. Dei mest kjente bøkene i fantasysjangeren er The Faraway Tree-serien på fire bøker (1939–1951).[2] Blant kostskulebøkene er mange lagt til Malory Towers eller til St Clare's.
Bøkene hennar om barnedetektivar og barn på spennande eventyr er samla i seriar som Fem-serien, De fem detektivene, Det hemmelige S og Eventyrbøkene.[3]
Den fyrste av dei 24 bøkene om Noddy kom ut i 1949. Noddy er ein trefigur som bur i Lekeland, saman med eventyrfigurar og antropomorfe dyr. Det er laga fleire seriar med barne-tv-program om Noddy, den fyrste allereie i 1955.
Fjernsynsfilmen Enid (2009) var ei skildring av livet hennar, med Helena Bonham Carter i hovudrolla.[4][5] Carter vann ein emmypris for rolla.
Enid Blyton Society blei skipa i 1995[6]
Kjelder endre
- ↑ 1,0 1,1 Julia Eccleshare. Beatrix Potter to Harry Potter, portraits of children’s writers. National Portrait gallery, 2002. ISBN 1-85514-342-9
- ↑ enidblytonsociety.co.uk The Faraway Tree
- ↑ enidblyton.net
- ↑ «Enid» (på engelsk). Internet Movie Database.
- ↑ BBC Press Release
- ↑ enidblytonsociety.co.uk
- Denne artikkelen bygger på «Enid Blyton» frå Wikipedia på bokmål, den 21. oktober 2023.
