Ingebret Gulliksson Grude

Ingebret Gulliksson Grude
	Ingebret Gulliksson Grude
Fødd	26. juli 1794
Død	19. mars 1851 (56 år)
Statsborgar av	Noreg
Yrke	bonde, politikar
Alle verv	stortingsrepresentant (1836–1838); vararepresentant til Stortinget (1833–1835); vararepresentant til Stortinget (1842–1844); vararepresentant til Stortinget (1845–1847); vararepresentant til Stortinget (1851–1853) ;

Ingebret Gulliksson Grude (26. juli 1794–19. mars 1851) var ein norsk gardbrukar og stortingsmann frå Klepp i Rogaland. Kristoffer Grude var sonesonen hans.

Far hans var gardbrukar i Klepp. Sjølv gjekk han lite i skule, «lærte at skrive av en gammel original skolelærer». Frå 1821 var han gardbrukar på Grude. Som gardbrukar var han tiltaksam, fekk premi frå landbruksselskapet i 1832. Han var medlem av heradsstyret 1837-51, ordførar 1837-45 og 1850-51. Elles var han forlikskommissær og utskiftingsmann. Mellom 1822-50 deltok han i 418 utskiftingar og skyldsettingar.

Grude var 2. representant frå Stavanger amt på Stortinget i 1836 og på omframstortinget 1836-37. I 1836 var han medlem av bankkomiteen. Fire gonger i perioden 1833-51 hamna han på frå fyrste til fjerde varamannsplass.

Han døydde på garden sin i Klepp i 1851.

Kjelder endre

Lindstøl, Tallak: Stortinget og Statsraadet 1814-1914. Kristiania, 1914
Biografisk informasjon om Ingebret Gulliksson Grude NSD Norsk senter for forskningsdatas politikararkiv