Johannes Müller
Johannes Marius Hartmann Müller (8. desember 1863–24. november 1945) var ein norsk målar frå Ullensaker.
| Johannes Müller | |
| Statsborgarskap | Noreg |
| Fødd | 8. desember 1863 Ullensaker |
| Død |
24. november 1945 (81 år) |
| Yrke | kunstmålar |
Müller var fødd i Ullensaker som son av soknepresten Jahn Collett M. (1826—1916) og Johanne Marie Edvardine Hartmann.[1]
Han utdanna seg som målar på Krohg og Werenskiold sin målarskule i 1886, og studerte i Paris frå 1893 til 1895.[1]
Müller vart frå slutten av 1880-åra lagt merke til gjennom sine vemodige kvelds- og nattstemningar, til dømes Kveld i august (1889), De siste solstråler (1892), Sommeraften i Eidsvåg (1894), Sommernatt på fjellet (1896) og Måneoppgang (1896), det siste kjøpt av kong Oscar II.
Müller fann mange motiv i Gudbrandsdalen. Måleriet Fra Vågå (1897) er i Nasjonalgalleriet i Oslo, medan Fjellbekk, eit høgfjellsmotiv frå same området og måla i 1907, høyrer til Bergen Billedgalleri. Seinare henta han også motiv frå kystnaturen på Aust- og Sørlandet.
Kjelder endre
- ↑ 1,0 1,1 Bjørn Steenstrup (1930). Hvem er Hvem?. s. 299.
- Johannes Müller i Norsk kunstnerleksikon