Knut Torstensen Sjøli
Knut Torstensen Sjøli (20. februar 1877–1955) var ein norsk bygnings-handverkar og politikar frå Sand sokn i Nord-Odal. Han representerte Arbeidarpartiet på Stortinget frå 1916 til 1945.
| Knut Torstensen Sjøli | |||
 | |||
| Fødd | 20. februar 1877 Nord-Odal kommune | ||
|---|---|---|---|
| Død | 14. februar 1955 (77 år) | ||
| Statsborgar av | Noreg | ||
| Parti | Arbeidarpartiet | ||
| Yrke | politikar, snikkar | ||
| Alle verv |
| ||
Sjøli var son til ein gardbrukar og tømrar. Også han tok opp tømraryrket og arbeidde som bygnings-handverkar frå femtenårsalderen. Han melde seg inn i Arbeidarpartiet i Hedmark og vart engasjert i politikken i Nord-Odal. Frå 1907 var han heradsstyremedlem i 30 år. Ein periode var han også varaordførar. Han var mellom anna med i skulestyret, helserådet, soknerådet, overlikningsnemnda og den kommunale gjeldskomiteen. Dessutan var han medlem i styra til det lokale elektrisitetsverket og i Tuberkulosehjemmet. Han var i si tid også medlem av Hedmark fylkesskattestyre og varamann til Riksskattestyret.
Sjøli vart vald inn på Stortinget hausten i 1915, som representant frå einmannskrinsen Vinger og Odalen, attvald 1918. Frå 1922 var han stortingsrepresentant for valkrinsen Hedmark, etter at valordninga var lagd om. Etter at Arbeidarpartiet vart sprengt i to i 1923, slutta store delar av tidlegare DNA-veljarar i Hedmark opp om det nye Norges Kommunistiske Parti. Dermed hamna Sjøli på varamannsplass ved Stortingsvalet 1924, og møtte på Tinget nokre få dagar i 1926-sesjonen og til saman tre veker i 1927. Gjennom stortingsvalet 1927 kom han inn att på Stortinget. Sidan vart han attvald i 1930, 1933 og 1936, og var såleis stortingsmann heilt til 1945. På Stortinget var Sjøli medlem 1916-18 i Justiskomite nr 2, 1919-21 i Universitets- og fagskulekomiteen, 1922-24 og 1928-30 i Justiskomiteen, 1931-36 i Protokollkomiteen og 1937-45 i Kommunalkomiteen.
Kjelder endre
- Stortingsbiografi Arkivert 2017-02-18 ved Wayback Machine.