Loch Awe
Loch Awe (skotsk-gælisk Loch Obha) er ein stor innsjø i Argyll and Bute i Skottland. Han har gjeve namn til ein landsby ved breidda, som vert kalla anten Loch Awe eller Lochawe.
| Loch Awe | |||
| innsjø | |||
 Nordarmen sett frå Beinn a' Bhuiridh
| |||
| Land |  Skottland
| ||
|---|---|---|---|
| Tilsig | River Orchy, Kames River | ||
| Utløp | River Awe | ||
| Nedslagsfelt | 840 km² | ||
| Opphaldstid | 0,7 år | ||
| Høgd over havet | 36.2 moh. | ||
| Lengd | 41 km | ||
| Breidd | 1 km | ||
| Areal | 38,5 km² | ||
| Middeldjupn | 32 m | ||
| Største djupn | 93,6 m | ||
| Volum | 1,2 km³ | ||
| Kystlengd1 | 129 km | ||
| Koordinatar | 56°17′52″N 5°14′06″W / 56.29778°N 5.23500°W | ||
| Øyar | Innis Chonnell, Inishail, Innis Chonan | ||
| Byar | Lochawe | ||
 Loch Awe 56°17′29″N 5°13′52″W / 56.291475°N 5.231141°W | |||
| Wikimedia Commons: Loch Awe, Argyll and Bute | |||
| 1 Kystlengd er eit unøyaktig mål som kanskje ikkje er standardisert for denne artikkelen. | |||
Innsjøen endre
Han er den tredje største innsjøen i Skottland ut frå overflatearealet som er 38,5 kvadratkilometer. Han er den lengste innsjøen i Skottland med ei lengd på 41 km frå ende til ende, og ei gjennomsnittleg breidde på 1 km.
Innsjøen går hovudsakleg frå sørvest til nordaust, omtrent parallelt til dei to fjordane Loch Etive og Loch Fyne. Via River Awe og Loch Etive vert innsjøen drenert vestover frå nordenden og ut i Atlanterhavet.
Vasskraft endre
Det er to vasskraftverk ved Loch Awe. Den eine er ein vanleg turbinstasjon der ein har demd opp River Awe i Pass of Brander, og så fører vatnet gjennom underjordiske røyrleidningar til Loch Etive.
Den andre er eit meir uvanleg pumpekraftverk der ein nyttar ein kunstig innsjø i åsen over innsjøen. Vatnet vert pumpa opp i dette reservoaret i periodar med mykje vatn, og så seinare nytta til straumproduksjon når straumbehovet er størst.
Turisme endre
Loch Awe er kjend for aurefiske. Det kjem òg laks gjennom innsjøen, som går vidare til River Orchy. Det ligg fleire ruinar av gamle slott på øyar i Loch Awe og i nordenden ligg eit av dei mest fotograferte slotta i Skottland, Kilchurn Castle, som om sommaren kan vitjast etter ein kort båttur.
Historie endre
Det var frå Loch Awe og det omliggande området at Campbell-klanen etablerte seg som ein mektig familie. I 1308 slo Robert the Bruce MacDougall-klanen i slaget ved Pass of Brander nedanfor innsjøen.
Sjå òg endre
- Innis Chonnell - ei øy i innsjøen