Muqeible
Muqeible eller Muqeibla (arabisk مقيبلة, hebraisk מֻקֵיבִּלָה, som tyder «Frontplassen»,[1] er ein arabisk by i Israel i Nord distrikt, i Jezreeldalen mellom Jenin på Vestbreidda og Ta'anakh-området. Han er ein del av Gilboa regionale kommune. I følgje Israelsk statistisk sentralbyrå hadde Muqeible ein blanda folkesetnad med kring 3 000 muslimar og kristne ved slutten av 2005.[2]
| Muqeible | |||
| landsby | |||
| Land |  Israel
| ||
|---|---|---|---|
| Distrikt | Nord distrikt | ||
| Koordinatar | 32°30′50″N 35°17′41″E / 32.51389°N 35.29472°E | ||
 Muqeible 32°30′50″N 35°17′41″E / 32.513888888889°N 35.294722222222°E | |||
  | |||
| Wikimedia Commons: Muqeible | |||
Historie endre
I romartida stod ein by kalla «Muqeibleh» på staden. Frå bysantinsk tid er det gjort funn av ein brunn og keramikkverkstad.[3]
I følgje ein lokal innbyggjarar vart landsbybuarane flytta her frå al-Haram-Sidna Ali-området i siste tida av Det osmanske riket.[3] Guérin skreiv på 1800-talet at landsbyen hadde 400 innbyggjarar og mange cisterner.[4] Seinare, i 1882, skildra The Survey of Western Palestine Muqeible som «ein leirsteinslandsby med cisterner.[5]
Under folketeljinga til Det britiske mandatet i 1931 hadde Muqeible 67 busette hus og eit folketal på 244 muslimar og 26 kristne.[6] I 1945 hadde Muqeible 460 innbyggjarar, all klassifisert som arabarar. Dei eigde i alt 2 687 dekar land, medan 4 441 dekar var i offentleg eige.[7]
«Hawsh» endre
Midt i landsbyen står ein stor, firkanta bygning, som liknar ein khan, med ein sentral gardsplass, 30 meter per side. På austsida er det ein liten port som fører inn i ein høg iwan. Andrew Petersen, ein arkeolog som spesialiserte seg på islamsk arkitektur, vitja staden i 1994, og noterte at murarbeidet indikerte at han vart bygd seint i osmansk tid eller tidleg i mandatperioden.[3]
Sjå òg endre
Kjelder endre
- Denne artikkelen bygger på «Muqeible» frå Wikipedia på engelsk, den 26. februar 2015.
- Wikipedia på engelsk oppgav desse kjeldene:
- Conder, Claude Reignier og H.H. Kitchener (1882): The Survey of Western Palestine: memoirs of the topography, orography, hydrography, and archeology. London: Committee of the Palestine Exploration Fund. vol 1, vol 2
- Guérin, M. V.: (1874): Description Géographique, Historique et Archéologique de la Palestine. Samarie, pt. I.
- Hadawi, Sami (1970), Village Statistics of 1945: A Classification of Land and Area ownership in Palestine, Palestinsk frigjeringsorganisasjon forskingssentral
- E. Mills, red. (1932). Census of Palestine 1931. Population of Villages, Towns and Administrative Areas (PDF). Jerusalem: Government of Palestine.
- Palmer, E. H. (1881): The survey of Western Palestine: Arab and English name lists collected during the survey by Lieutenants Conder og Kitchener, R. E. Translitterert og forklart av E.H. Palmer.
- Petersen, Andrew (2001): A Gazetteer of Buildings in Moslem Palestine: Volume I (British Academy Monographs in Archeology)
- ↑ Palmer, 1881, s.151
- ↑ 2005 ICBS Census Israelsk statistisk sentralbyrå (ICBS).
- ↑ 3,0 3,1 3,2 Petersen, 2001, s. 223
- ↑ Guérin, 1874, s.327. Òg sitert i Petersen, 2001, s.223
- ↑ SWP, 1882, II:45, òg sitert i Petersen, 2001, s. 223
- ↑ E. Mills, red. (1932). Census of Palestine 1931. Population of Villages, Towns and Administrative Areas. Jerusalem: Government of Palestine. s. 69.
- ↑ Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970 s.55
