Wikipedia

Numbers av Cat Stevens

Numbers
A Pythagorean Theory Tale
Studioalbum av Cat Stevens
Utgjeve 30. november 1975
Innspelt Oktober 1975
Studio Le Studio i Morin Heights i Quebec i Canada
Sjanger Softrock, folkrock
Lengd 33:38
Selskap Island (UK/Europe)
A&M (US/Canada)
Produsent Cat Stevens
Cat Stevens-kronologi 
Saturnight
(1974) 		Numbers
A Pythagorean Theory Tale 		Izitso
(1977)


Numbers er det niande studioalbumet og det første konseptalbumet til den engelske songar/låtskrivar Cat Stevens, utgjeve i november 1975.

Meldingar
Karakter
KjeldeKarakter
Allmusic2/5 stars[1]

Historie endre

Albumet Numbers, med undertittelen «A Pythagorean Theory Tale», var basert på ein fiktiv planet i ein fjern galakse ved namn Polygor. Albumet inkluderte eit hefte med utdrag frå ei planlagd bok med same namn skrive av Chris Bryant og Allan Scott. Heftet har penn-og-blekk-illustrasjonar teikna av Stevens.[2]

Konseptet med albumet er ein fantastisk andeleg musikal som er sett til planeten Polygor. I historia er det eit slott med ei talmaskin. Denne maskina eksisterer for å oppfylla det einaste føremålet til planeten - å spreia tal til resten av universet: 1, 2, 3, 4, 5, 6, 7, 8 og 9 (men vel å merka ikkje 0). Dei ni innbyggjarane på Polygor, polygonane, er Monad, Dupey, Trezlar, Cubis, Qizlo, Hexidor, Septo, Octav og Novim. Som dei siste linjene i boka seier, følgde dei «eit rutineprega liv som hadde eksistert så lenge nokon kunne hugsa. ... Det var derfor dess meir sjokkerande då ting byrja å gå gale ein heilt vanleg dag.» Forandringa kjem i form av Jzero, som kjem frå ingenting som ein slave og til slutt forvirrar alle med den enkle sanninga si.[2]

Utgjeving endre

Ved den første utgivinga i slutten av 1975 vart både fans og kritikarar forvirra av konseptet og mangelen på den typen «fengjande» musikk som dei hadde vore vand til frå Stevens, og sjølv om albumet til slutt oppnådde gullstatus, selde det langt mindre enn dei tidlegare fire albuma hans og vart rekna som ein kritisk fiasko. På eit tidspunkt vurderte A&M Records (det amerikanske plateselskapa hans) å seia opp kontrakten hans, men han hadde framleis to album igjen å laga for dei. Stevens heldt fram med å vera bitter over prosessen med ry og pressa for å tena pengar for plateselskapet sitt, og distanserte seg frå å delta i promotering for albumet.

Konfrontert med eit ultimatum frå plateselskapet i retning av «lag ei pop-plate, elles», sette han seg for å laga ei av dei dyrare platene i karrieren, Izitso frå 1977, som gav fleire hittar. Suksessen med Izitso viste plateselskapet at han framleis var hitverdig, men Stevens var no i ferd med å omfamna trua på islam, og etter å ha levert albumet Back to Earth trekte han seg heilt ut av musikkbransjen, skifta namn til Yusuf Islam, og vigde seg sjølv til den islamske trua, utdanning og humanitært arbeid. Men han vende offisielt tilbake til popmusikken med utgivinga av An Other Cup i 2006.

I 1994 vart Numbers gitt ut i ei avgrensa utgåve saman med albuma Izitso og Back to Earth i ein boks kalla Three frå Mobile Fidelity Sound Lab. Denne boksen er ikkje lenger tilgjengeleg og er derfor høgt verdsett blant samlarar.

Island Records kontrollerer ikkje lenger opphavsrettane til Cat Stevens-albuma han spelte inn for Island etter 1974, inkludert Numbers. Dei er i dag eigde av Yusuf Islam sjølv gjennom plateselskapet Cat-O-Log Records.

Innhald endre

Den originale LP-plata braut tradisjonen og kalla den andre sida «Side 0», ein referanse til Jzero.

Alle songar er skrivne av Cat Stevens.

Side ein
Nr.TittelLengd
1.«Whistlestar (Instrumental)»3:46
2.«Novim's Nightmare»3:50
3.«Majik of Majiks»4:30
4.«Drywood»4:53
Side 0 (side to)
Nr.TittelLengd
5.«Banapple Gas»3:07
6.«Land o' Freelove & Goodbye»2:50
7.«Jzero»3:44
8.«Home»4:09
9.«Monad's Anthem»2:43

Medverkande endre

Andre medverkande[3] endre

Salslister endre

Vekeslister endre

Liste (1975–76) Plassering
Australske album (Kent Music Report)[4] 85
Canada Top Albums/CDs (RPM)[5] 4
Nederlandske album (MegaCharts)[6] 18
Tyske album (Offizielle Top 100)[7] 20
Norske album (VG-lista)[8] 14
Spanske album (Promusicae)[9] 12
Svenske album (Sverigetopplistan)[10] 9
US Billboard 200[11] 13

Årslister endre

Liste (1976) Plassering
Tyske album (Offizielle Top 100)[12] 20

Salstrofé og salstal endre

Region Salstrofé Salstal
Canada (Music Canada)[13] Gull 50 000^

^salstala er basert på sertifiseringa aleine
xuspesifserte tal er baserte på sertifiseringa aleine

Kjelder endre

  1. ↑ Allmusic review
  2. ↑ 2,0 2,1 Cat Stevens (1975). Numbers. A&M Records. 
  3. ↑ «Cat Stevens – Numbers (1975, Terre Haute Press, Vinyl)». Discogs. 
  4. ↑ Kent, David (1993). Australian Chart Book 1970–1992 (illustrated utg.). St Ives, N.S.W.: Australian Chart Book. s. 293. ISBN 0-646-11917-6. 
  5. ↑ "Top RPM Albums: Nummer 2563a". RPM. Library and Archives Canada.
  6. ↑ "Cat Stevens – Numbers". Dutchcharts.nl. Hung Medien.
  7. ↑ "Offiziellecharts.de – Cat Stevens – Numbers" (På tysk). GfK Entertainment Charts.
  8. ↑ "Cat Stevens – Numbers". Norwegiancharts.com. Hung Medien.
  9. ↑ Salaverri, Fernando (2015). Sólo éxitos 1959–2012 (1st utg.). Spain: Fundación Autor-SGAE. ISBN 84-8048-866-2. 
  10. ↑ "Cat Stevens – Numbers". Swedishcharts.com. Hung Medien.
  11. ↑ "Cat Stevens Album & Song Chart History" Billboard 200 for Cat Stevens. Prometheus Global Media.
  12. ↑ «Top 100 Album-Jahrescharts» (på tysk). GfK Entertainment Charts. 1976. Arkivert frå originalen 8. april 2023. Henta 15. april 2023. 
  13. ↑ «Canadian album salstrofé – Cat Stevens – Numbers». Music Canada. Henta 10. april 2023. 
Henta frå «https://nn.wikipedia.org/w/index.php?title=Numbers_av_Cat_Stevens&oldid=3477895»