Stortingsvalet 1945

Stortingsvalet 1945 var det fyrste stortingsvalet i Noreg etter andre verdskrigen, den 8. oktober 1945. Valet var ein stor siger for Arbeidarpartiet, som fekk seks nye mandat og fleirtal åleine i Stortinget, endå dei gjekk tilbake i røystetal. Einar Gerhardsen si andre regjering vart danna etter valet. Ein annan stor vinnar var Norges Kommunistiske Parti, som gjorde sitt klart beste val nokonsinne og gjekk fram frå å vera eit miniparti før krigen til å få 11 stortingsmandat. Kristeleg Folkeparti stilte for første gong til val som eit landsdekkande parti, og fekk òg eit godt resultat. Fleire parti som hadde stilt ved det siste valet, i 1936, kom ikkje tilbake denne gongen, først og fremst Samfundspartiet, Nasjonal Samling, Frisindede Folkeparti og Det Radikale Folkeparti.

Resultat endre

Parti	Del av røystene (%)	Endring i høve til 1936	Mandat	Endring i høve til 1936
Arbeidarpartiet	41,0	- 1,5	76	+ 6
Høgre	17,0	- 4,3	25	- 11
Venstre	13,8	- 2,2	20	- 3
Norges Kommunistiske Parti	11,9	+ 11,6	11	+ 11
Bondepartiet	8,0	- 3,5	10	- 8
Kristeleg Folkeparti	7,9	+ 6,6	8	+ 6
Sogn og Fjordane fiskar- og småbrukarparti	0,2	+ 0,2	0	0
Nytt Norge	0,1	+ 0,1	0	0
Total	100	0	150	0