Åsvær fyr
Åsvær fyr ligg i Dønna kommune i Nordland. Fyret ligg på holmen Andersbakken nordaust i øygruppa Åsværet. Fyret vart oppretta i 1876 og har eit 18,5 meter høgt støypejernstårn. Den første fyrbygningen vart skadd av orkan både i 1880 og 1883. Ein storm i 1889 knuste uthus og naust ved fyret. Eit uver nyårsnatta 1917 gjorde så store skader på fyrbygningen at han vart kondemnert, og eit nytt fyrtårn vart bygd 100 meter lenger bort på holmen. Ruinen av den gamle fyrbygningen står enno. Fyret vart automatisert og avfolka i 1980.
Bakgrunnsstoff og kjelder endre
- Erling Svanberg: Langs vei og lei i Nordland - Samferdsel gjennom 3000 år. Nordland fylkeskommune, Bodø 1990. ISBN 82-7416-021-5
- Norsk Fyrhistorisk Forenings side om Åsvær fyr
- Bent Svinnungs padleside om Åsvær fyr
- Åsvær fyr i kulturminnesok.no, nettstaden til Riksantikvaren