Øystein Eliassen

Øystein Eliassen (21. mai 1922–6. mars 1997) var ein norsk lokalpolitikar

Øystein Eliassen
Fødd	21. mai 1922
Død	6. mars 1997 (74 år)
Statsborgar av	Noreg
Parti	Arbeidarpartiet
Yrke	politikar
Alle verv	ordførar i Sykkylven

Bakgrunn

Eliassen vart fødd på Ikornnes i 1922 av foreldre Anna f. Grebstad og Erling Eliassen. Etter få år flytte familien til Vik og seinare Aure.

I undomsåra var han med i speidaren, losjen og styremedlem i Sykkylven fril. ungdomslag og Sykkylven idrottslag (kasserar). Eliassen var med og starta Sykkylvsbladet og var forretningsførar der frå starten av.

Kulturelt og politisk arbeid

Det kulturelle arbeidet førte han inn i politikken. Han vart vald inn i kommunestyret første gong i 1945 for perioden 1946-1947 Etter ei pause vart han vald inn på nytt frå 1/1-1956. Han gjekk først ut 31/12-87, i alt 34 år. I formannskapet var han medlem i 16 år, ordførar 6 år (1970-75) og varaordførar dei to åra før. Han sat i fleire kommunale nemnder: trygdekassestyret, tomtetingingsutvalet, formann i idrottutvalet, formann i opplysningsrådet, formann i bygdesoge- og museumsnemnda frå og med 1974, formann i forliksrådet frå 1967.

Prosjekt som vart løyste i hans tid i politikken var ny sjukeheim, småbåthamn på Aure, ny prestebustad, byggefelt i: Tusvik, på Ikornnes, i Straumgjerde, Grebstadlia på Grebstad og i Ramstaddal.

Fylkespolitikar

I fylkestinget møtte han som vald representant 1970/75. I 1975 melde han seg ut av Det Norske Arbeidarpartiet som han hadde representert til no og stilte på Upolitisk fylkesliste og vart vald for åra 1976/83. I alt sat han fire år på fylkestinget, derav 8 år i fylkesutvalet. Han var med i ei rekke nemnder på fylkesplan. Han vart også vald som fylket sin representant i styret for L/L Tussa Kraft, Møre og Romsdal Materialprøvingsanstalt og Sykkylven skule-, dagheim- og internat. Han var formann heile tida 1970-1987 i A/S Aursnes Férjekai som finansierte ny riksveg Aure - Aursnes, flytting av ferjeleiet frå Aure til Aursnes 1973, og ny riksveg Aure - Tynes 1986. Han var også formann i byggenemnda for ny kai på Aure (ferdig 1986) og var i styret for Sykkylven Godsterminal A/S som bygde nytt terminalbygg i 1986.

Då Eliassen slutta i kommunestyret i 1987 fekk han Norske Kommuners Sentralforbund sin medalje.

I arbeidslivet

• 1937-45: fabrikkarbeidar hos Martin Solnørdal Trikotasjefabrikk
• 1946-50: butikkbetjent Sykkylven Handelslag, kontormann (rekneskapsførar),
• 1951-90: likningssjef i Sykkylven kommune.

Kjelder

• Intervju med Øystein Eliassen 1992
• Årbok 1996 til Sykkylven sogenemnd
• Kommunestyreprotokollar etter 1945

Fotnotar