5261 Eureka
5261 Eureka blei oppdaga frå Palomarobservatoriet 20. juni 1990 og visa seg å vera den fyrste kjende trojanske asteroiden til planeten Mars. Han fylgjer Mars (i L5-punktet) på ein avstand som berre varierer med 0,3 AE for kvart omløp (med ein sekulær trend oppå dette som endrar frå 1,5-1,8 AE rundt 1850 til 1,3-1,6 AE rundt 2400). Minimumsavstanden frå jorda, Venus og Jupiter er høvesvis 0,5, 0,8 og 3,5 AE.
| Oppdaging | |
|---|---|
| Oppdaga av | David H. Levy |
| Oppdagingsdato | 20. juni 1990 |
| Baneskildring | |
| Epoke 14. juli 2004 (JD 2453200,5) | |
| Aphel | 242,684 mill. km (1,622 AE) |
| Perihel | 213,132 mill. km (1,425 AE) |
| Eksentrisitet | 0,065 |
| Banehelling | 20,280° |
| Fysiske eigenskapar | |
| Dimensjonar | ukjend |
| Masse | ukjend |
| ukjend | |
| ukjend | |
| ukjend | |
| Albedo | ukjend |
Berekningar over lengre tidsperspektiv viser at banen er stabil. Kimmo A. Innanen og Seppo Mikkola poengterer at «motsett av det ein skulle tru er det klare empiriske bevis på stabilitet på rørsla rundt L4- og L5-punkta til alle dei terrestriske planetane i ei tidssamanheng på fleire millionar år».
Sidan da har andre marstrojanarar blitt identifisert, nemleg 1999 UJ7 på L4-punktet og 1998 VF31, 2001 DH47, 2001 FG24, og 2001 FR127 ved L5-punktet. Dei ko-orbitale 1998 QH56 og 1998 SD4 har ikkje i lagnaden sin å halde fram som trojanarar, dei vil bli avbøygde frå Mars i løpet av dei neste 500 000 åra.