AB Partner

AB Partner var eit svensk føretak som produserte motorsager. Historia til føretaket starta i 1949, då AB Bergborrmaskiner, som produserte fjellborrmaskinar, tok til å produsera den fyrste svenske einmannsmotorsaga, under namnet «Be-Bo». Denne saga var svært lik den canadiske saga Hornet DJ-3500H, med hadde kraftigare motor. Sjølv om saga hadde ein masse på 20,5 kg vart ho godt motteken, og vart produsert fram til 1955.

AB Partner
Skipa	1955
Land	Sverige

Partner 462.

I 1955 gjekk AB Bergbormaskiner saman med Göteborgs lättmetallgjuteri AB, under namnet «AB Partner», og det vart bygd ein ny fabrikk i Mölndal, der ein forbetra modell kalla Partner C6 vart produsert. Både Be-Bo og Partner C6 hadde veivakselen plassert på langs, og kjeda vart driven via eit vinkelgir. Det vart nytta flottørforgassar, og når saga skulle nyttast for felling vart sverdet rotert 90°, slik at forgassaren framleis stod i same vertikale stilling.

I 1958 tok produsksjonen av Partner R11 til. Dette var ei mykje lettare sag, med direktedrift av kjeda. Seinare kom det fleire forbetra modellar: R12 (1962), R14 (1964), R16 (1967), etc. I 1978 vart Parner og Jonsereds oppkjøpt at Electrolux, som òg kjøpte Pioner året etter. Varemerket Partner vart nytta fram til 2000, då det vart utfasa.

Galleri

• 
  Partner C6
• 
  Partner R11
• 
  Partner R12