Akustisk refleksjon, absorpsjon og transmisjon

Akustisk refleksjon, absorpsjon og transmisjon: Når ei lydbølgje treffer ei flate, som til dømes ein vegg, vert noko av energien i lydbølgja absorbert i veggen. Ikkje all energien vert absorbert, noko av energien går gjennom veggen og ut i rommet på andre sida og noko vert reflektert attende inn i rommet. Energien som vert absorbert i veggen går over til termisk energi.

Skrått innfall av lydbølge mot vegg.

Den brøkdelen $R$ av lydtrykket som vert reflektert frå flata vert kalla trykkrefleksjonsfaktoren, eller ofte berre refleksjonsfaktoren. Denne faktoren er kompleks og varierer difor med frekvensen. Han avheng òg av innfallsvinkelen $\theta$.

Den brøkdelen $\alpha$ av energien som går inn i veggen vert kalla absorbosjonsfaktoren og er relatert til trykkrefleksjonsfaktoren som

$\alpha =1-|R|^{2}$.

Både den delen av energien som vert absorbert i veggen og den delen som fortset ut på andre sida er inkludert i $\alpha$. Absorbosjonsfaktoren $\alpha$ er ein reell skalar, men han er frekvensavhengig.

Sjå òg

• Veggimpedanse
• Etterklangstid