Aelius Donatus
Aelius Donatus levde på 300-talet og var ein romersk grammatikar og lærar i retorikk. Det einaste faktumet som er kjent om livet hans er at han var lærar for Hieronymus.
Donatus var forfattar av ein grammatikk i to delar: Ars minor, òg kalla «den mindre donaten», og Ars major, «den større donaten». Den mindre donaten, som var ei elementærbok, vart mykje spreidd under mellomalderen og vert òg nytta inn i nyare tid.
Han har òg skrive ein delvis ufullstendig kommentar til dramatikaren Terence, kompilert frå andre kommentarar, men sannsynlegvis ikkje i den opphavlege forma si.
Donatus argumenterte for eit tidleg system av interpunksjon, beståande av punkt plasserte i tre suksessivt høgare posisjonar for å indikere suksessivt lengre pausar, som cirka motsvarer det moderne kommateiknet, kolon og punktum. Dette systemet vart nytta fram til 600-talet, då eit meir avgrensa systemet laga av Isidore av Sevilla kom i bruk.
Aelius Donatus må ikkje forvekslast med Tiberius Claudius Donatus, som òg var forfattar av ein kommentar (tolking) av Aeneiden, og som levde kring 50 år seinare.
Kjelder
endre- Denne artikkelen bygger på «Aelius Donatus» frå Wikipedia på svensk, den 24. mai 2020.
- Wikipedia på svensk oppgav desse kjeldene:
- Engelsk Wikipedia
- Bra Leksikonet av bøker, 1974
- Wikipedia på svensk oppgav desse kjeldene:
Bakgrunnsstoff
endre- The Ars Minor online (arkivert nettstad)
- The Ars Major online (arkivert nettstad)
- Latin texts of some of Aelius Donatus, med Ars Minor og alle delane avArs Major
- Terence-kommentaren på nettet
- Corpus Grammaticorum Latinorum (arkivert nettstad)