Arturo Araujo
Arturo Araujo Fujardo (fødd 1878 i Santa Tecla, daud 18. mai 1967 i San Salvador) var ein salvadoransk politikar, landeigar og utdanna ingeniør ved Universitetet i El Salvador. Han representerte Partido Trabajo, arbeidarpartiet i El Salvador.
| Arturo Araujo | |||
 | |||
| Fødd | 1878 Caja Seca | ||
|---|---|---|---|
| Død | 18. mai 1967 (89 år) | ||
| Statsborgar av | El Salvador | ||
| Yrke | politikar | ||
| Far | Eugenio Araujo | ||
| Verv | President i El Salvador 1931 | ||
| Føregangar | Pío Romero Bosque | ||
| Etterfylgjar | Maximiliano Hernández Martínez | ||
| Alle verv |
| ||
Då han stilte til val lova han landfordeling og sysselsetting. Særleg fekk han støtte frå indianske landsbyar i dei vestlege departementa. Han appellerte til arbeidarklassen i byane og middelklassen, og også med særskild oppmoding til bøndene og dei indianske samfunna.
Han var president i El Salvador frå 1. mars 1931 til 2. desember 1931, då han vart kasta frå makta gjennom eit militærkupp utført av general Maximiliano Hernández Martínez, som var forsvarsminister i Araujos regjering. Kuppet var støtta av fleire sentrale militære leiarar. Araujo flykta til Guatemala for å redda livet sitt.