Brynjel Andersson Gjerdåker
gardbrukar og medlem av Riksforsamlinga på Eidsvoll
Brynjel Andersson Gjerdåker (1761–27. januar 1838) var ein norsk gardbrukar og eidsvollsmann frå Voss i Hordaland.
| Brynjel Andersson Gjerdåker | |
| Statsborgarskap | Noreg |
| Fødd | 1761 |
| Død |
27. januar 1838 (76 år) |
| Yrke | bonde, politikar |
| Språk | norsk |
Gjerdåker var i nokre få år forpaktar av gardane Øvrelid og seinare Hellem i heimbygda. Omkring 1794 tok han over farsgarden Gjerdåker og dreiv denne. Han var forlikskommissær frå 1824, og dessutan medhjelpar åt presten i Voss.
I 1814 var Gjerdåker utsending til riksforsamlinga på Eidsvoll frå Søndre Bergenhus. Han var lite aktiv under forhandlingane, stemte med sjølvstendepartiet. 17. mai 1814 var han med i deputasjonen som møtte Kristian Fredrik.
Gjerdåker døydde på garden sin på Voss i 1838.
Kjelde
endre- Tallak Lindstøl: Stortinget og Statsraadet 1814-1914. Kristiania, 1914
Bakgrunnsstoff
endre- Biografisk informasjon om Brynjel Andersson Gjerdåker NSD Norsk senter for forskningsdatas politikararkiv