Charwell-elva
Charwell er ei elv nordaust på Sørøya på New Zealand. Ho har utspringet sitt i Seaward Kaikoura Ranges, og ho munnar ut i Conway-elva, den tradisjonelle grensa mellom Marlborough og Canterbury. I elvedalen har det vore drive sauehald.
På 1910-talet føreslo jarnvegsverket på New Zealand å byggja ei jarnvegslinje gjennom ei rekkje elvedalar, mellom desse den til Charwell-elva, for å binda Parnassus og Kaikoura saman som ein del av Main North Line. Arbeidet med denne linja starta ved at det vart lagt ut spor i eit stykke av elvedalen til Leader-elva, men den første verdskrigen gjorde slutt på anleggsarbeidet. Då det vart teke opp att, valde ein ei meir austleg linje langs kysten i staden.[1]
Referansar endre
- ↑ «Construction of South Island Railway: a Stop-Start Journey». theprow.org.nz. Henta 11. juli 2017.
- Denne artikkelen bygger på «Charwell river» frå Wikipedia på engelsk, den 11. juli 2017.
42°30′S 173°19′E / 42.500°S 173.317°E
Denne geografiartikkelen som har med New Zealand å gjere, er ei spire. Du kan hjelpe Nynorsk Wikipedia gjennom å utvide han.