Chris Hani
Chris Hani (28. juni 1942–10. april 1993), opphavleg Martin Thembisile Hani, var ein sørafrikansk politikar og apartheidmostandar som blei drepen i 1993. Hani var leiar av Det sør-afrikanske kommunistpartiet SACP etter Joe Slovo. Han leidde au ei tid Umkhonto we Sizwe, 'Spydet til Nasjonen', den væpna greina til Den afrikanske nasjonalkongressen, ANC.
| Chris Hani | |
 | |
| Statsborgarskap | Sør-Afrika |
| Fødd | 28. juni 1942 Eastern Cape, Transkei |
| Død | |
| Yrke | politikar |
| Språk | engelsk |
| Politisk parti | ANC, Det sørafrikanske kommunistpartiet |
| Chris Hani på Commons | |
Chris Hani var ein ihuga motstandar av det kvite apartheidstyret, og blei somtid sett på som ein populistisk rival til leiarane i ANC. Han er blitt stemt inn som nummer 20 på ei liste over dei 100 mest framståande sørafrikanarane nokon gong. Han blei drepen den 10. april 1993 utanfor heimen sin i Dawn Park i Boksburg. To kvite ekstremistar blei dømde for drapet.
I 1997 blei Baragwanath Hospital, eit av dei største sjukehusa i verda, omdøypt til Chris Hani Baragwanath Hospital, til minne om Chris Hani.