Cupvinnarcupfinalen i fotball 1986

Cupvinnarcupfinalen i fotball 1986 fann stad på Stade de Gerland i Lyon 2. mai 1986, framfor 39 300 tilskodarar. Dynamo Kiev frå dåverande Sovjetunionen vann finalen, den 26. i sitt slag, med siffera 3-0 over Atlético Madrid.

Kampen

Oleksandr Zavarov gav Dynamo Kiev leiinga i det 5. minutt. Der etter gjekk det 80 minuttars speletid før Oleh Blokhin la på til 2-0 og allereie tre minuttar seinare stod det 3-0 etter at innbyttaren Vadim Jevtusjenko hadde vore frampå.

Franz Wöhrer frå Austerrike dømde kampen.

Laga

Dynamo Kiev sitt vinnarlag: Viktor Tsjanov, Volodimir Bessonov, Serhij Baltatsja, Oleh Kuznetsov, Anatolij Demjanenko (kaptein), Vasilij Rats, Ivan Jaremtsjuk, Pavlo Jakovenko, Oleksandr Zavarov, Igor Belanov og Oleh Blokhin. Baltatsja og Zavarov vart bytta ut i høvesvis det 38. og 70. minutt, inn kom fyrst Andrij Bal og så Vadim Jevtusjenko.

Atlético Madrid mønstra: Ubaldo Fillol, Tomás Reñones, Juan Carlos Arteche, Miguel Ángel Ruiz (kaptein), Clemente Villaverde, Julio Prieto, Quique Ramos, Jesús Landáburu, Roberto Marina, Mario Cabrera og Jorge da Silva. Etter 60 minuttars spel tok Quique Setién plassen til Landáburu.

Kjelder

• Denne artikkelen bygger på «1986 European Cup Winners' Cup Final» frå Wikipedia på engelsk, den 10. mai 2018.