Edmund Fjærvoll
Edmund Konvall Fjærvoll (20. mars 1910–15. januar 1975) var ein gardbrukar og politikar frå Bø i Nordland. Han representerte Kristeleg Folkeparti på Stortinget i to periodar. Han var far til Dag Jostein Fjærvoll.
| Edmund Fjærvoll | |
| Statsborgarskap | Noreg |
| Fødd | 20. mars 1910 Bø kommune |
| Død |
15. januar 1975 (64 år) |
| Yrke | politikar |
| Språk | norsk |
| Politisk parti | Kristeleg Folkeparti |
Fjærvoll var son til ein gardbrukar og var sjølv gardbrukar frå 1930. Seinare var han frå 1953 distriktssjef i livsforsikringsselskapet Samvirke. Han eigde Hotell Vesterålen i åra 1968-75.
Frå 1952 til 1975 var Fjærvoll kommunestyremedlem i Hadsel, ordførar 1960-61 og 1964-67. Hausten 1961 vart han vald til stortingsrepresentant frå Nordland på ei fellesliste. Den neste perioden var han av same grunn vararepresentant. I 1969 kom han tilbake på Tinget og sat som representant for Kristeleg Folkeparti i fire år. Begge tingbolkane var han medlem i Administrasjonskomiteen. Han var elles medlem i landsstyret i Den indre sjømannsmisjon.