Even Larsen Loreng
Even Larsen Loreng (29. september 1852–5. mars 1942) var ein norsk offiser og gardbrukar, fødd i Veldre i Ringsaker. Han var stortingsmann frå valkrinsen Strinda i perioden 1910-12.
| Even Larsen Loreng | |
 | |
| Statsborgarskap | Noreg |
| Fødd | 29. september 1852 Veldre |
| Død |
5. mars 1942 (89 år) |
| Yrke | bonde, underoffiser, politikar |
| Politisk parti | Høgre |
Loreng var son til ein gardbrukar. Etter han tok eksamen ved underoffiserskulen til artilleriet i 1875, underviste han på same skulen åra 1877-79. Han steig i gradane til sersjant 1877, furer 1885, kommandersersjant 1889 og stykjunker 1894. Frå 1888 til -99 var han tilsett i Statens vegvesen. I 1899 kjøpte han garden Stavne i Strinda, og dreiv denne i lang tid. Loreng var medlem i Strinda heradsstyre frå 1905, varaordførar frå 1908. Han var styreformann i Strinda Sparebank, og hadde elles mange verv.
Perioden 1910-12 representerte Loreng einmannskrinsen Strinda og partiet Høgre på Stortinget, der han var medlem i Vegkomiteen. I 1910-sesjonen var han permittert, grunna sjukdom, i dagane frå 23. mai til 12. juli.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914