Fernando Mendes
Fernando Mamede Mendes (15. juli 1937–31. mars 2016) var ein portugisisk fotballspelar frå Seia som vann cupvinnarcupen 1964 med Sporting Lisboa.
Mendes spelte på Sporting Lisboa i 12 år frå 1956. Midtbanespelaren var med å vinne den portugisiske toppserien i 1958 og på ny i 1962. I 1963 var han med då Sporting vann den spanske cupen for sjette gong, etter finalesiger 4-0 over Vitoria Setubal. Sesongen etter tok Sporting seg til finalen i cupvinnarcupen, ei turnering laget vann etter fyrst 3-3 og så siger 1-0 i omkampen mot MTK Budapest på Heysel-stadion i Brussel.
Frå landslagdebuten i 1959 spelte Mendes 21 landskampar for Portugal til 25. april 1965. I VM-kvalifiseringskampen mot Tsjekkoslovakia i Bratislava braut han eine beinet. Etter dette kom han aldri tilbake på same nivå som før. Han fekk mindre speletid i Sporting og tok til sist ein sesong, 1968/69 i Atlético CP.
Merittar endre
- Vinnar av cupvinnarcupen: 1964 med Sporting Lisboa
- Portugisisk seriemeister: 1958, 1962, 1966 med Sporting Lisboa
- Portugisisk cupmeister: 1963 med Sporting Lisboa
Kjelder endre
- Denne artikkelen bygger på «Fernando Mendes» frå Wikipedia på engelsk, den 18. september 2018.