Fjelberg stavkyrkje
Fjelberg stavkyrkje var ei stavkyrkje på Fjelbergøy i Kvinnherad i Sunnhordland, som vart riven rundt 1730. Det er ikkje bevart nokon kjende bygningsrestar frå kyrkja.
| Fjelberg stavkyrkje | |||
| kyrkjestad | |||
| Land |  Noreg
| ||
|---|---|---|---|
 Fjelberg stavkyrkje 59°44′18″N 5°42′24″E / 59.73833333°N 5.70666667°E | |||
Historie endre
Det finst ikkje noko grunnlag for ei detaljert datering av kyrkja. Ei kyrkje på Fjelberg er første gong nemnt i kjeldene i 1360. Kyrkja er nemnt siste gong i 1722. I 1733 fekk soknet ei ny kyrkje, og stavkyrkja har då truleg vorte riven kort tid før.[1]
Utsjånad endre
Ei kjelde frå 1462 nemner ei gåve til «høgaltaret i Fjelberg kyrkje».[2] Dette tyder på at kyrkja hadde fleire altar. I 1665 skulle det setjast inn vindauge i sørveggen på kyrkja, sidan det skal ha vore svært mørkt i kyrkja. I 1722 hadde kyrkja svalgang berre på nordsida. Same året vert kyrkja kalla ei «ældgammel og i Grund forraadnet Stavkirke».[1] Etter storleiken på kyrkja å dømma, må ho vore treskipa med heva midtrom. Skipet var om lag 50 fot gonger 28 fot (16 m x 9 m) og koret var 16 fot gonger 20 fot (5 m x 6 m).
Fotnotar endre
- ↑ 1,0 1,1 Lorentz Dietrichson, De norske stavkirker (Kristiania og Kjøbenhavn, 1892), s. 478-479
- ↑ «...til høga altared i Fielbergx kirkio». Lorentz Dietrichson, De norske stavkirker (Kristiania og Kjøbenhavn, 1892), s. 478. Originalkjelde i Diplomatarium Norvegicum II, 845
Kjelder endre
- Dietrichson, Lorentz (1892). De norske stavkirker. Studier over deres system, oprindelse og historiske udvikling. Kristiania: Alb. Cammermeyers forlag. s. 478–479. ISBN 82-90439-32-6.
Bakgrunnsstoff endre
- Brendalsmo, Jan: Kildegjennomgang: Middelalderske kirkesteder i Hordaland (Riksantikvaren, 2016), s. 66–67
- Fjelberg stavkyrkje i kulturminnesok.no, nettstaden til Riksantikvaren