Det russiske flagget

Det russiske flagget er ein trikolor med like breie, horisontale felt i kvitt, blått og raudt. Det var offisielt vedteke som statsflagg for Russland i 1991. Flagget har tidlegare vore brukt som koffardiflagg i det russiske keisardømet (1699–1918) og som sivilflagg til lands (1883–1914).

Det russiske flagget

Under perioden 1858–1883 brukte Russland, etter inspirasjon frå austerriksk flaggbruk, eit flagg med fargar frå det dåverande keisarlege våpenet, som hadde ei svart ørn i felt av gull. I moderne tid har dette flagget vore brukt av russiske nasjonalistar.

Som unionsrepublikk i Sovjetunionen hadde Russland frå tidleg i 1950-åra eit flagg som bygde på det sovjetiske flagget – raud duk med gyllen hammar, sigd og stjerne – og med ei vertikal blå stripe inne ved stanga.

Det russiske orlogsflagget er kvitt med blå andreaskross.

• 
  Det russiske flagget 1858–1883
• 
  Flagget til den russiske sosialistiske føderative sovjetrepublikken 1954-1991
• 
  Det russiske orlogsflagget

Sjå òg

• Det russiske riksvåpenet

Kjelder

«Russland – flagg og våpen» i Store norske leksikon, snl.no.

---

• Delar av denne artikkelen bygger på «Rysslands flagga» frå Wikipedia på svensk, den 12. mai 2011.