Generalprøve

Generalprøve er nemninga på den siste prøveframsyninga av eit teaterstykke eller anna sceneframsyning før framsyninga vert presentert for publikum på ordinært vis. Det har ofte vore gjort ein eller fleire andre førebuande prøveframsyningar, såkalla kost og mask, før framsyninga er klar for generalprøva.

Generalprøve for Les pêcheurs de perles av Georges Bizet ved Adrienne Arsht Center og Broward Center for the Performing Arts i 2015.

Under generalprøva er det ofte særskild innbodne tilskodarar til stades, og i mange høve vert avisenes teaterkritikk skrive på grunnlag av generalprøver.