Wikipedia

Gina Storm-Jensen

norsk ballettdansar

Gina Storm-Jensen (fødd i 1995)[1] er ein prisløna norsk-tysk ballettdansar som frå 2024 dansar for Nasjonalballetten etter å ha dansa ved The Royal Ballet i London sidan 2013.

Gina Storm-Jensen

Solistane Gina Storm-Jensen (t.v.) og Fumi Kaneko ved The Royal Ballet i 2021.
Fødd 1995 (29 år)
Yrke ballettdansar

Storm-Jensen er fødd i London med tysk mor og norsk far.[2] Familien flytta til Noreg då ho var to år gamal og ho vaks opp på Vinderen i Oslo.

Utdanning

endre

Gina Storm-Jensen vart teken opp som elev på Ballettskulen på Den norske Opera som åtteåring. Som barn dansa ho mellom anna den prestisjefylde rolla som Clara i Nøtteknekkeren.[3]

Storm-Jensen gjekk ballettlina på ungdomstrinnet ved Ruseløkka skole i Oslo. I 2009 vann ho den internasjonale konkurransen Grasse International og i 2011 var ho finalist i Prix de Lausanne.[4] Etter konkurransen vart ho tilboden eit treårs stipend og opphald ved The Royal Ballet School i London der ho vart uteksaminert i 2014.[5]

The Royal Ballet

endre

Medan ho framleis var elev, vart ho tilboden kontrakt ved The Royal Ballet, og ho vart engasjert som artist i oktober 2013.[6] I 2017 vart ho forfremja til førsteartist.[7] I 2021 vart ho forfremja til solist.[8][9]

I 2021 vart ho nominert til prisen Emerging Artist under Storbritannias National Dance Awards.[10]

Nasjonalballetten

endre

I 2023 tok ho permisjon frå The Royal Ballet for å gjestedansa ein sesong ved Nasjonalballetten.[11][1]

Etter 11 år som fast tilsett forlèt ho The Royal Ballet.[12] Ho vart tilsett som solist ved Nasjonalballetten ved Den Norske Opera og Ballett i 2024.[13][14]

Prisar og utmerkingar

endre

Kjelder

endre
  1. ↑ 1,0 1,1 «Gina Storm-Jensen: – Uten sunn konkurranse har du ikke noe å strekke deg etter ⋆ Kontekst», Kontekst (på norsk bokmål), 23. oktober 2023, henta 25. august 2024 
  2. ↑ God, Vikash (1. august 2022), «Going global with Royal Ballet soloist Gina Storm-Jensen», Scan Magazine (på engelsk), henta 17. august 2024 
  3. ↑ «Møt Gina ballerina», Nettavisen (på norsk), 7. desember 2006, henta 17. august 2024 
  4. ↑ Trulsen, Ola Nymo (9. februar 2011), «Er hun vår nye ballettstjerne?», NRK (på norsk bokmål), henta 17. august 2024 
  5. ↑ Graduate Contracts 2014 - The Royal Ballet School (på engelsk), 3. august 2016, henta 17. august 2024 
  6. ↑ «Bestemte seg da hun var 5 år, nå er hun norsk stjerne i London», www.aftenposten.no (på norsk bokmål), 20. desember 2013, henta 25. august 2024 
  7. ↑ DanceTabs (9. juli 2017), «News – Royal Ballet Promotions, Joiners and Leavers, 2017/18 Season», DanceTabs (på engelsk), henta 25. august 2024 
  8. ↑ «Gina Storm-Jensen − Soloist». Royal Ballet. Henta 11. august 2024. 
  9. ↑ «Prestisjetung rolle for norsk ballettdanser 18. mai 2021». 
  10. ↑ National Dance Awards 2021 - nominees seeingdance.com
  11. ↑ «Norsk ballettsolist vender hjem til Operaen | Den Norske Opera & Ballett», kommunikasjon.ntb.no (på norsk), henta 17. august 2024 
  12. ↑ {{Citation|title=Gina Storm-Jensen & David Yudes leave The Royal Ballet|url=https://www.balletnews.co.uk/gina-storm-jensen-david-yudes-leave-the-royal-ballet/%7Cdate=2024-06-24%7Caccessdate=2024-08-17%7Clanguage=en-GB}
  13. ↑ «Royal Ballet Soloist Gina Storm Jensen to join The Norwegian National Ballet», www.gramilano.com (på engelsk), 24. juni 2024, henta 17. august 2024 
  14. ↑ «Gina Storm-Jensen», www.operaen.no (på norsk), henta 17. august 2024 
  15. ↑ Wilhelmsen (20. september 2021), «2021 - Gina Storm-Jensen and Lucas Lima», Wilhelmsen (på engelsk), henta 17. august 2024 
  16. ↑ «Dansetalenter fikk 800.000 kroner | Den Norske Opera & Ballett», kommunikasjon.ntb.no (på norsk), henta 17. august 2024 
  17. ↑ Mead, David (21. april 2022), «National Dance Awards 2021 nominations announced», SeeingDance (på engelsk), henta 17. august 2024 
Henta frå «https://nn.wikipedia.org/w/index.php?title=Gina_Storm-Jensen&oldid=3565995»